Libait Lâka 9:7 - DAWAN BÎLA AISKA

⁷ Bara witin Eran ra tawi kaiki, win: “Nanara man altar lamara was, bara man saurkam mana sakripaiska ba pas sakripais dauks. Baha angki puram suns, bara man saurkam ba ban swih tikan kabia. Israel luhpia nani saurka swih tikaia dukiara sin puram suns, upla nani ai saurka daukan mana angkaia prisantka nani bri balan ba sin bri bal, bara baha nani saurka ba ban swih tiki, Gâd wal kli uplika takaia pura sunra ba puram suns. Dawan adarka win ba kat daukaia.”

Libait Lâka 9:7 ပူးပေါင်းရင်းမြစ်များ

Libait Lâka 16:11

“Bîp wainhka ba lika Eran ai saurka sakripaiska baku daukbia, ai pâtka swih tikan lâka briaia, ai kiamka nani saurka sin swih tikaia.

Libait Lâka 16:24

Baha wina witin klin takaia pliska ra dimi aihtabi taki, bara ai prâka wala pain klin ba dimi bal taki, bara witin sunu takaia ai sakripaiska ba daiwan aiska angkbia, upla nani saurka mata sin. Baku pâtka swin tikan lâka witin nani sut bribia.

Libait Lâka 16:6

Bîp wainhka ba lika witin ai saurka mana, ai taya nani saurka ban swih tikaia lâka ba daukbia.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 8:34

Naiwa yang daukisna ba sika, Dawan wina adar aikan dîa daukaia ai win ba baku daukisna, man nani saura daukram saurka nani ba, ban swih tikaia mata.

Libait Lâka 9:2

Bara witin bui Eran ra win: “Bîp wainhka lupia kum bris, sîp wainhka kum bri bal, wîna ra watawan âpu pali ba, bîp ba upla saura daukan ba saurka mana sakripais daukaia dukiara, sîp ba lika angki Dawan ra prisantka yabia dukiara.

Hibru Nani 5:1

Prîs tara bani upla nani tila ba wina bâk sakan sa, bara Gâd mawanra upla nani dukiara aisaia mangkan sa. Witin ba prisant nani bara sakripais nani sin yabisa saurka nani dukiara.

Hibru Nani 5:3

Bara witin ai wîna swapnika nani bri bamna sika, ai saurka nani dukiara sakripais nani yabaia sa, bara upla wala nani saurka nani ba dukiara sin.

Hibru Nani 9:7

Sakuna kutbanka wala kum ba ra lika, prîs tara nani baman dimisa, bara baha ba lika mani bani bilara aima kumi baman. Witin dimi auya ba ra, daiwan nani tâlia brih waia sa, baha ba Gâd ra yabisa, ai saurka nani dukiara bara upla wala nani saurka nani dukiara sin.

1 Samuil 3:14

Bahamna yang swer aisari Elí watla uplika nani ra watawanka ba sip diki sakan kabia apia, sakripais nani daukan ba mita, prisant nani yan ba mita sin apia.