Libait Lâka 9:6 - DAWAN BÎLA AISKA

⁶ Bara Moses mita witin nani ra kli win: “Dawan ai adarka ba man nani ra naku daukaia mai win sa. Bamna man nani baku dauks, bara Dawan ai prana ingnika tara ba man nani ra param mamrikbia.”

Libait Lâka 9:6 ပူးပေါင်းရင်းမြစ်များ

Impakan Sturka 16:10

Eran kau Israel luhpia nani wal aisi kan ba ra, upla iwras tasbaya ba langnika ra kasbrika kum ra, Dawan prana ba param takan upla nani sut ba kaikan.

Impakan Sturka 24:16

Dawan prana ba Sainai ilka pura kat bal iwi takaskan, bara 6 yua ba kasbrika mita il ba pura biki bri kan. Bara 7 yua ba kat Dawan mita Moses ra winan kasbrika tila ba wina.

Impakan Sturka 29:43

Bahara Israel luhpia nani aikuki asla takamna, bara yang bâra kamna ba mita, pliska ba sunu sakan kabia.

Isikiel 43:2

bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Libait Lâka 9:23

Yamnika yan ba ningkara, Moses bara Eran wal, Dawan ra aisaia tintka watla ra diman, bara kli takan. Israel lupia nani ra Dawan Gâd ingnika tara upla nani purara ingwan:

Libait Lâka 9:5

Moses lika witin nani ra dîa daukaia win ba baku, Israel luhpia nani dauki balan, tintka watla ra dimaia ba lamara, bara tawan wina sin upla sut balan, tint watla ba lamara Dawan mawanra kaiki bûi kan.