Libait Lâka 9:3 - DAWAN BÎLA AISKA

³ Bara Israel luhpia nani ra wis, witin nani sin guts wainhka kum bri balbia saura daukan ba mana yabaia, bîp lupia sin kum, sîpka ba mani kum bri kaka, wîna ra watawan âpu kaia sa, baha wîna ba aiska angki Dawan ra prisantka yabaia.

Libait Lâka 9:3 ပူးပေါင်းရင်းမြစ်များ

Blasi Sturka 37:31

Bara witin nani Josep prâka maplira painkira kata ba brin, guts kum iki prâka ba baha tâlia ra buskan.

Esdras 10:19

witin nani sut wilin takan ai maya nani ba swiaia bara witin nani sîp wainhka kum, lâ krikan daukan ba mana prisantka yaban.

Esdras 6:17

Baha yua witin nani bîp wainhka nani 100 kum, sîp wainhka nani 200, sîp mairin nani 400 bara guts wainhka nani 12, Israel kiamka nani 12 ba kulkanka ba kat, witin nani saurka ba sakripaiska dukiara ikan, baku sin Israel kiamka nani sut ba saurka dukiara sin guts nani ba ikan.

Impakan Sturka 12:5

Daiwra ba, sîp sapa, guts sapa, kum bribia, mani kum bri ba. Bara daiwra wîna ba, sunu bara watawan âpu pali kaia sa.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Libait Lâka 10:16

Bamna Moses, Eran luhpia wâl ba ra walan, guts luhpia kum saurka daukan mana sakripaiska ba dukiara bara pat angkan kata. Bamna witin Eleazar bara Itamar wal ra saura lawi dauki, win:

Libait Lâka 12:6

“Klin takaia piua win ba aimakbia kat, luhpia ba waitna kabia, apia kaka mairin kabia sin, yaptika ba mita sâkbia. Sîp lupia mani kum alkan ba, ai prisantka aiska angkbia, bara butku luhpia kum, apia kaka butku talia lupia ba kum brih, Dawan wal aisaia tintka watla ra wabia. Baha sut prîs ra yabia, saurka wina klin takaia sakripaiska daukaia,

Libait Lâka 14:10

Bara yu 8 alkbia ba ra, sîp wainhka wâl bri balbia taya sauhkan âpu ba, sîp mairin sin kum taya sauhkan âpu, mani kum alkan ba. Baha purara plawar kau pain ba 5 paun oliv batanka ra akbaia, bara oliv batana ba batil kum.

Libait Lâka 16:15

Baha ningkara, sîp ba ikbia upla nani saura daukan ba mana, bara tâlia ba kwala kutban ba bilara brih wabia, bahara lâ watla pura prakaika ba bilara bara lata tani ra srikbia, bîp wainhka tâlia ni daukan ba baku daukbia.

Libait Lâka 16:5

“Israel luhpia nani tila wina Eran ra guts wainhka wâl yabia sa, kumi ba saurka mana sakripaiska baku aiska angkaia prisantka daukbia.

Libait Lâka 23:12

Baha yua mâ nani kiaubi wilkan brih aula ba ra, sîp mani kum alkan wîna pain ba kum bri balan kabia, aiska angki Dawan ra yabaia dukiara.

Libait Lâka 4:23

witin nani ai dara walbia saura daukan ba. Ai tânka bribia ba ra, mahka pali guts wainhka kum watawan âpu pali ba, ai saurka mana prisantka yabaia brih wabia.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 9:2

Bara witin bui Eran ra win: “Bîp wainhka lupia kum bris, sîp wainhka kum bri bal, wîna ra watawan âpu pali ba, bîp ba upla saura daukan ba saurka mana sakripais daukaia dukiara, sîp ba lika angki Dawan ra prisantka yabia dukiara.

Libait Lâka 9:4

Bara bîp wainhka wala kum sîp sin kau kum bri bal. Dawan naiwa man nani ra param takaisa, bamna baha daiwra nani ba, witin kaiki bara iki, witin wal kli uplika takaia sakripaiska ba daukaia. Bara plun mâ akban batana laya ra akbi dauki prisantka sin man nani bri balma.”

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.