Libait Lâka 8:26 - DAWAN BÎLA AISKA

²⁶ Brit pânka ba wina, îs wal daukras britka, Dawan mawan ra kahban britka nani ba wina, turtiya îs âpu daukan ba, turtiya wala batana laya laiki akbi daukan ba, turtiya tanhta ba, baha nani sut ba daiwra batanka ba kuhma ba aikuki asla dauki Moses brin.

Libait Lâka 8:26 ပူးပေါင်းရင်းမြစ်များ

Impakan Sturka 29:23

Baku sin brit îs âpu daukan baskit ra bâra ba Dawan mawanra, baha wina krukma ba kumi brima. Bara brit oliv batana wal akbi angkan wina sin brima, brit damni ba sin brima.

Libait Lâka 8:25

Baha ningkara daiwra batanka ba, witin wâika ba, biara bilara batanka nani ba, âuya purara batanka alki nani ba, kiskama wâl ba, kuhma aihkika ba sin brin.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Apastil Nani Sturka 5:12

Apastil nani ba mita sain nani bara diara aihka nani uya sin upla nani tilara dauki kan, bara lalukra nani ba sut asla takan Salaman durka wi ba lamara.

1 Timoti 2:5

Gâd kumi baman bâra sa, bara Gâd, witin lika upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa.