Libait Lâka 8:23 - DAWAN BÎLA AISKA

²³ Baha ningkara Moses bal daiwra ba skiru ni ikan, bara tâlia ba wirâ brih, Eran kiama aihkika ra, mihta aihkika ra, mihta wihtka ra, mina aihkika ra mina wihtka ra yukan.

Libait Lâka 8:23 ပူးပေါင်းရင်းမြစ်များ

Impakan Sturka 29:20

Sîpka ba ikbia bara tâlia ba wirâ brin, Eran bara luhpia nani kiama aihkika untika ra yûkma, mihta aihkika kulkaika tâura, bara mina aihkika wihtka ba ra sin yûkma. Ningkara tâlia kau ba altar purara bara tnaya kir laikma.

Impakan Sturka 29:21

Bara altar purara tala swin ba bara srikbi sunu daukaia batanka laya swin ba sin wiria bris, bara Eran purara, bara prâka ba purara sin srikban kabia, baha purkara, Eran luhpia nani purara, prâka purara sin. Bamna Eran bara luhpia nani ba sut prâka nani ba sunu daukan kabia.

Libait Lâka 14:14

“Baha ningkara prîs ba tala ba wina wirâ brih, pâtkira ba klin daukbia, kiama smihka tani ba, mihta wihtka tara aihkika ra bara mina wihtka tara aihkika ra yuki muni.

Libait Lâka 14:17

Batana laya ai mihta ra bri ba bara tala sin, baha nani wal uplika ba kiama playa aihkika ra, mihta aihkika wihtka ra, mina wihtka tara ba sin yûkbia, bara tâski âpu sunu daukan kabia.

Libait Lâka 14:25

sîpka skiru ni ikan kabia, saurka mana sakripaiska ba daukaia. Tâlia ba wirâ brih, klin taki ba uplika ra yukan kabia kiama playa aihkika ba ra.

Libait Lâka 14:28

Baku sin batana laya ba ni, kiama playa aihkika ra wirâ buskbia, mina wihtka aihkika ra sin. Tala ni buskan pliska ba kat batana laya ba sin buskbia,

Libait Lâka 7:37

Naha lâka nani sika smalki yaban ba daiwan wîna aiska angki sakripais daukaia ba, plun mâ sâtka nani wina prisantka dauki yabaia ba, upla saura daukan pâtkira takan ba ai dara walan bara ai sakripaiska daukaia ba, Dawan dukia yabaia prisantka ba, bara witin wal kli ai uplika takaia sakripaiska ba sin dauki kaia.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Roman 6:19

(Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

1 Tesalonaika 5:22

Man nani saurka sât sât wina tnaya ra taki banhs.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

Hibru Nani 5:8

Baku Kraist ba Gâd Luhpia kan sakuna, witin pât wahwan, bîla wali dauki lan takan.