Libait Lâka 8:17 - DAWAN BÎLA AISKA

¹⁷ Kuna bîpka taya ba, wîna ba, tâskika nani ba sut lika, asla dauki watla lata tani ra bri si pauta muki angkan, Dawan adarka daukaia win ba baku daukan.

Libait Lâka 8:17 ပူးပေါင်းရင်းမြစ်များ

Impakan Sturka 29:14

Sakuna bîpka wîna ba, taya bara kânka ba sut kira, latara saki angkan kabia, baha ba saurka mana, sakripaiska daukan bamna.

Isikiel 43:21

Baha ningkara saurka daukan tâwan ikaia sîpka lupia brima, bara angkma tempel ba latka ra, sakripais daukaia pliska ba ra.

Libait Lâka 16:27

“Bîp bara guts saurka mana sakripaiska daukan ba, baha ningkara tâlia ba sin holi pliska ra brih wabia ba upla pâtka swih tikaia lâka ba daukaia, taya, wîna ba, kânka sut tawan wina lata tani ra bri si angkbia.

Libait Lâka 4:21

Baha ningkara, bîpka wîna ba sut saki, tint watla lata tani ra angkbia, baha ba tawan saura daukan ba saurka mana sakripaiska bamna.

Libait Lâka 6:30

Sakuna upla saura daukan mana prisantka yabi sakripaiska daukaia daiwra nani bri balan ba tâlia tint watla bilara, Dawan wal aisi ba pliska ra bri balan ba, saurka nani ban swih tikaia tâski âpu kulkan watla ra dingkan ba, baha daiwra wîna ba upla kumi sin piaia apia sa. Baha sakripaiska ba pauta ra angkan kabia.

Libait Lâka 9:11

Sakuna daiwra wîna bara taya ba lika, watla ba lata tani ra bri si angkan.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”