Libait Lâka 7:20 - DAWAN BÎLA AISKA

²⁰ “Upla kum tâski kulkan ba, Dawan wal kli wan uplika takaia sakripaiska daukan wîna ba wina pibia kaka, bara baha wîna pat Dawan dukia yaban kan sa kaka, baha uplika ba upla wala nani tila wina mawan ba tikbia.

Libait Lâka 7:20 ပူးပေါင်းရင်းမြစ်များ

Blasi Sturka 17:14

Ya Gâd sainka klaki mangkras nani ba tilam wina kangbi sakan kaia sa, kan yang lâ daukri ba witin kulkras ba mita.

Impakan Sturka 30:33

Ani uplika kum naha batanka miks munan na baku batana wala daukbia kaka, apia kaka upla wala kum purara laikbia kaka, witin lika man nani tilam wina sakan kabia.’ ”

Impakan Sturka 30:38

Ani uplika witin ai dukia kîa pain angkaia wisi naku daukbia kaka, witin ba ai uplika nani tila wina diki sakan kabia.”

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Libait Lâka 18:29

Ya baha saurka daukbia ba, ikan kaia sa, tawanka ba wina sin sakan kabia.

Libait Lâka 19:8

Ya baha wîna pibia ba watawi lâka mana ba twilkbia, upla nani tila wina sin mawan tikbia, Dawan yamnika ba tâski daukan bamna.

Libait Lâka 20:3

Yang baha waitnika mapara kamna, ai uplika nani tila wina sakamna, tintki watla tâski daukan, yang nini swiri tara daukan ai luhpia Moloc ra yan bamna.

Libait Lâka 23:29

Ya baha yua ba plun pibia kaka, ya kabia kra, upla nani tila wina sakamna.

Libait Lâka 7:19

“Diara kum tâski kulkan ba ra wîna ba kangbia kaka, baha wîna ba piaia apia sa, sakuna angkaia sa. “Dawan lâka ba kat, sunu takan uplika nani ba lika, baha wîna ba piaia sip sa.

Libait Lâka 7:25

“Daiwan wîna aiska angki, ai prisantka Dawan ra yabaia bri balan daiwra wîna ba wina, ani uplika batanka ba pibia kaka, uplika ba upla wala nani tila wina mawan ba tikaia sa.

Libait Lâka 7:27

Ani daiwra tâlia pibia bara dibia uplika ba, mawan ba upla tila wina tikbia.”

Kulki Kaikanka 19:13

Upla kum upla pruan ba alkbia ba ra sunu takras sa kaka, Dawan watla sunu ba sauhkisa. Baku bamna, Israel luhpia nani tila wina sakan kaia sa, kan witin sunu saki laya ba ni srikbras kan bamna, witin lika tâski ban sa.

1 Korint 11:28

Baku bamna, kumi bani brit ba piaia bara kâp ba wina diaia kainara, ai kupia dara walra ba laki kaikaia sa.

1 Samuil 20:26

Baha yua Saúl diara aisaras kan, witin ba lukan Debit ra diara kum takan tâski kulkan, bara kau klin takras kan.