Libait Lâka 7:13 - DAWAN BÎLA AISKA

¹³ baha nani ba Dawan ra tingki wiaia, kli wal uplika takaia sakripaiska daukaia ba sut asla dauki bri balbia, îs mangki dauki angkan britka nani ba sin.

Libait Lâka 7:13 ပူးပေါင်းရင်းမြစ်များ

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Libait Lâka 2:12

Man nani sip sma îs bara nasma laya nani bri balaia, Dawan ra prisantka yabaia, disang mâ nani baku, sakuna altar purara kîa pain Dawan pain kiawali ba prisantka dauki ba baku lika apia.

Libait Lâka 23:17

Wamtla wina plawar brit dauki angkan kau pain ba, îs mangki daukan britka ba wâl brih wabia. Britka kumi bani ba 8 paun bri kabia, baha britka ba sika plun disang mâ nani sakan ba wina prisantka Dawan ra yaia.

Libait Lâka 23:18

Britka nani ba aikuki sîp 7 sunu taya sauhkan âpu ba, bîp luhpia kum, sîp wainhka wâl, baha nani ba aiska angki Dawan ra prisant kum kîa pain ba dauki yaia dukiara brih wabia, baku sin ai prisantka nani ba tilara plun mâ nani bara wain sin bri balaia.

Emus 4:5

Plawar ba sin îs mangkras brit dauki, Dawan ra tingki wiaia prisantka dauki bas; upla sut ra wih, aisi maisa paks, witin nani ai prisantka nani, ai kupia lâka yabaia ba dukiara, kan man nani baku dauki kaia lihkisma bamna.” Dawan baku kasak aisisa.

Matiu 13:33

Naha maprika lilka wala na sin baha nani ra win: “Gâd king aimaki lâka ba îs wal baku sa. Baha ba mairin kum mita brih plawar paun yumhpa ra mangkisa, plawarka miks munan ba sut puskuya kat.”

1 Timoti 4:4

Diara nani sut Gâd mita paskan ba lika pain baman sa; diara kumi sin yawan saura kulkaia apia sa, sakuna sut ba Gâd ra tingki wih piaia sa,