Libait Lâka 7:12 - DAWAN BÎLA AISKA

¹² Baha sakripaiska daukaia brih aula ba, Dawan ra tingki wiaia lâka daukaia sa kaka, naha diara wala nani sin brih balaia sa: plawar îs mangkras, oliv batana laya ra akbi brit daukan ba, dus wahia nani îs mangkras batana laya ni srikban ba, plawar mâ pain nani batana laya ra akbi brit daukan ba;

Libait Lâka 7:12 ပူးပေါင်းရင်းမြစ်များ

2 Kronikas 29:31

Ningkara Ezequías bui upla nani ra win: “Man nani pat holi takram Dawan ra, bara nanara lamara bal, sakripais prisantka nani bri bal, Dawan tempelka ra tingki wiaia dukiara.” Bara upla nani ai prisant ba brih wan Dawan ra tingki wiaia, baku ya sakripais daukaia lukan ba baku daukan.

2 Kronikas 33:16

Baha ningkara Dawan altarka nani ba kli paskan, bahara kli wal uplika takaia bara tingki wiaia sakripaiska daukan, bara Juda ra win Dawan Israel Gâdka ra baman mayunaia.

Nihimaya 12:43

Baha yua daiwan ailal pali iki angki Dawan ra yaban, upla nani ba ai lilia tara brih banhwan, Gâd ai liliaka tara upla nani ra yaban bamna. Mairin nani bara tuktan nani sut lilia pali takan, bara Jerusalem lilia dauki ba laih wina binka ba wali kan.

Lawana Nani 107:8

Man nani bui Dawan ra tingki wis ai latwanka lâka ba dukiara, ¡witin lika upla nani hilpka dauki bamna!

Lawana Nani 116:17

Man ra tingki mai wiaia sakripaiska dauki maikamni, bara Dawan ninam mâki winamni.

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Libait Lâka 2:4

“Plun mâ sâtka nani prisantka ba, man nani altar ra piaki bri balma ba ra, plawar kau pain ba wina bri batana laya laiki akbi brit nani dauki bri bal; sakuna îs lika mangkaia apia, apia kaka, dus wahia nani îs mangkras, batana laya ni srikbi bri bal.

Libait Lâka 2:5

“Man barli mâ sâtka nani wina prisantka dauki yabaia brih aulma kaka, baha ba brit angkaia pânka ra angkan kaia sa, plawar kau pain ba wina angkbia, batana laya wal akbia, sakuna îs lika mangkaia apia.

Libait Lâka 22:29

“Prisant kum Dawan ra tingki wiaia brih balan ba ra, naku dauks, baha ba yamni briaia mata.

Libait Lâka 6:16

Bara plun nani kau angkras, tâka swin ba lika, Eran ra yabia bara luhpia nani ra sin. Ningkara sunu daukan iwaika kum ra iwi pibia, Dawan wal aisaia watla latka ra.

Libait Lâka 7:15

“Baha Dawan ra tingki wiaia kli wal uplika takaia prisantka daukaia brih balan daiwra wîna ba, baha yua ba mahka piaia sa, wîna pîs lupia kum sin yauhka piaia swiaia apia sa.

Emus 4:5

Plawar ba sin îs mangkras brit dauki, Dawan ra tingki wiaia prisantka dauki bas; upla sut ra wih, aisi maisa paks, witin nani ai prisantka nani, ai kupia lâka yabaia ba dukiara, kan man nani baku dauki kaia lihkisma bamna.” Dawan baku kasak aisisa.

Kulki Kaikanka 6:15

Baha purkara plawar kau pain îs mangkras batana laiki akbi brit daukan ba baskit kum brih balaia sa; dus wahia sâtka nani ba sin îs mangkras, batana laya ni srikbi, plun mâ sâtka nani prisantka ba bara wain sin brih bal ai prisantka yabaia sa.

Luk 17:16

Bara Jisas mawan kat bal ai lula kriki, tasba kat aimakupan, tingki wiaia dukiara. Naha waitnika na lika Sameria wina kata.

Luk 17:18

¿Naha tringsar waitna na baman Gâd ra tingki wiaia balan ki?

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

Epesus 5:20

Piua bani diara sut dukiara, Gâd Aisa ra tingki wi bas, wan Dawan Jisas Kraist nina ra.

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.