Libait Lâka 4:31 - DAWAN BÎLA AISKA

³¹ Bara daiwra ba wina batanka nani ba sut saki bribia, kli wal uplika wan sakaia sakripaiska daukaia, daiwra wîna batanka nani saki ba baku naha daiwra ba wina sin sâkbia, bara kîa pain Dawan kiawali ba dauki angkbia. Prîs ba baku daukbia, bara uplika saura daukan saurka pâtka ba ban swih tikbia, bara ai saurka daukan ba ban swih tikan kabia.

Libait Lâka 4:31 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Esdras 6:10

bara baku lika sip kabia Gâd laih purara ba ra sakripais angki, witin yamni kaiki ba dauki, king bara ai luhpia nani dukiara sin ai pura sunbia.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Aiseya 42:21

Dawan ba, Gâd kum upla swaki saki ba, witin smalki tânka ba, param mayunra tara daukaia want sa;

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 14:18

Bara batana laya kau bâra ba ni, uplika lal ba ra buskan kabia, klin sakaia dukiara. Baku prîs ba uplika pâtka ba swih tikaia lâka ba, Dawan wina bribia.

Libait Lâka 15:15

Bara prîs ba baha bribia, bara butku kum ba saurka mana sakripaiska daukbia; butku wala ba aiska angkbia, waitnika tâski ba klin takaia sakripaiska, baha sut Dawan kaiki ba pliska ra daukbia.

Libait Lâka 19:22

Baha sîpka ni waitnika pâtkira takan ba saurka mana, prîs ba Dawan ra ai pura sunbia, pâtka ba swih tikaia dukiara, bara baha saurka daukan pâtka ba ban swih tikbia.

Libait Lâka 2:2

Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba.

Libait Lâka 2:9

Bara prîs ba baha wina wirâ bribia, altar ba purara angkaia, kupia kraukaia prisantka, kîa pain Dawan baha kiawali ba prisantka dauki yabia.

Libait Lâka 4:19

Bara bîpka wina batanka nani ba sut saki si, bara wîna ba aiska, angkbia altar ra.

Libait Lâka 4:26

bara daiwra batanka nani ba sut, altar ba purara angkbia, kli wal ai uplika takaia sakripaiska nahki dauki angki ba baku daukbia. Prîs ba baku dauki, wihta saura daukan ba pura sunbia, bara witin ai saurka ba ban swin tikan kabia.

Libait Lâka 4:35

Baha ningkara daiwra wîna ba wina batanka nani ba sut sâkbia, kli wal wan uplika takaia sakripaiska dauki sîpka wîna batanka saki ba baku. Naha sîpka na wina sin batanka nani sut sâkbia, bara batanka nani ba sut altar ba purara angkbia, Dawan ra pain kulkan lâka dauki yabaia prisantka nani ba sut aikuki angkbia. Bara prîs ba baku daukbia bara saura daukan ba swih tikbia, bara uplika saura daukan pâtka ba ban swih tikbia.

Libait Lâka 5:10

Bara daiwan wala ba brih, wîna aiska angki sakripaiska daukaia lâka win ba baku natka kat daukbia. Baku dauki prîs ba, baha uplika saura daukan ba saurka swih tikaia lâka ba daukbia. Bara uplika saurka ba ban swih tikan kabia.

Libait Lâka 5:6

Witin ai daiwra daknika ba wina, daiwan mairin kum bri sal witin saura daukan ba mana Dawan ra yabi, sakripais daukbia. Sîp mairin kum, apia kra guts mairin kum, baha daiwra prîs ba bri sakripais dauki ba natka ra uplika saura daukan saurka ba swih tikbia.

Libait Lâka 8:21

baha ningkara biara nani bara kuhma nani ba sikbi klin saki, baha nani sin sut angkan. Kîa pain Dawan brin dauki ba baku daukan, witin mita baku daukaia adar win ba kat dauki.

Kulki Kaikanka 15:25

Baha ningkara, prîs mita Israel luhpia nani sut saurka swih tikaia pura sunra warkka ba daukbia. Bara yang mita saurka ba ban swih tikamna, kan baha saurka daukan ba upla nani kupia lâka apia kan. Bahamna witin nani ai kupia lukanka wina, prisant bara sakripais nani brih balan.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 10:12

Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan.

Hibru Nani 10:14

Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan.

Hibru Nani 9:12

Kraist ba Dawan wal aisaia watla ba kat dimi wan, bara guts lupia nani bara bîp wainhka nani tâlia sin sakripais yabaia wisi dimras kan, sakuna ai tâlia pali; bamna bahara aima kumi baman dimi wih ban kaia swaki sakan lâka ba alki yawan ra wankan.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.