Libait Lâka 4:25 - DAWAN BÎLA AISKA

²⁵ Baha ningkara prîs ba bal, daiwra ikan tâlia ba wina ai mihta sirpika tâura buski brih, kîa yamni dauki angkaia altarka aringka nani ba ra yûkbia. Baha wina tâlia ba sut, altar ba lamara laikbia,

Libait Lâka 4:25 ပူးပေါင်းရင်းမြစ်များ

Impakan Sturka 29:12

Bara bîpka tâlia ba ai mihta tâura buski, altar aringka nani ba yûkbia, baha ningkara lama kir tala ba laikbia.

Aiseya 40:21

¿Dîa man nani nu âpu katma ki? ¿Man nani sip walras katma ki? ¿Blasi pali wina man nani ra mai wiras kata ki? ¿Tasba paskan ba piua wina, man nani ra pat mai smalki mai wiras kata ki?

Libait Lâka 16:18

Baha wina witin bal takbia, altar Dawan lamara witin kaiki ba altarka ra waia. Witin bîp tâlia ba ai mihta ra wirâ bribia, guts tâlia ba wina sin, bara altar ba tala ni yûkbia, aringka nani baku paskan ba sin sunu daukaia dukiara yûkbia tala ba.

Libait Lâka 17:11

Ai rayaka bri nani ba sut, tala bri ba mita raya sa. Baha mita yang bui man nani ra mai wîri, tala ba ni baman altarki purara laiki upla saurka nani dauki ba pura mana aibapaia, kan tala ba sika upla rayaka mana aibapi ba.

Libait Lâka 4:18

Baha ningkara altar aringka nani ba ra sin, tala ba ni wirâ yûkbia Dawan kaiki ba ra, baha ba Dawan wal aisaia Tintka watla ba bilara daukbia. Bara tala kau ailal yus munras ba, baha bri si daiwan aiska wîna batanka nani ba saki angki ba, altarka ba lamara laikbia, Dawan wal aisaia tint watla ra dimaia ba bilara.

Libait Lâka 4:24

Witin ai mihta ba gutska ba lal ra kahbia, Dawan kaiki ba ra; baha ningkara, daiwra ba nana klaki dakbi ikbia, daiwan nani ikaika pliska ra, angkbia saurka daukan ba mana sakripaiska.

Libait Lâka 4:30

Bara prîs ba bal ai mihta sirpika ba ni tâlia ba ra buski, kîa yamni dauki angki altarka ra aringka nani ba ra yûkbia, bara tâlia wala sut ba lika altar ba lamara laikbia.

Libait Lâka 4:34

Bara prîs ba bal, ai mihta sirpika ni tâlia ba ra buski wîna aiska angki altarka aringka nani ba ra yûkbia, bara tala sut ba lika altarka ba lamara laikbia.

Libait Lâka 4:7

Kîa pain daukaia altarka aringka nani ba ra sin tala ba ni wirâ yûkbia, tint watla ra upla nani buaika ba ra, Dawan kaiki ba lamara, tala kau aihkika laikras swin ba, baha ni altarka ba lamara laikbia, tint watla ra dimaika durka bilara bâra ba.

Libait Lâka 5:9

Tâlia kau wirâ takan ba brih, altar tnaya ba srikbia; bara wîna ba altar lamara bri si, tâlia ba sut taibi saki ba ra laikbia, saurka daukan sakripaiska ba mita baku daukbia.

Libait Lâka 8:10

Baha ningkara, Dawan yamnika yaia batanka laya ba Moses brin, bara tint watla aiska ba, diara nani bilara ba sut purara sin batana laya ba laiki, yamnika ba yan, bara baha nani ba Dawan dukia daukan.

Libait Lâka 8:15

Bara Moses bal bîpka wainhka lupia ba skiru ni sabi ikan, bara tâlia ba ai mihta sirpika nani ra buski bara altar ra aringka nani ba ra yuki, altar ba tâski âpu sunu daukan. Bara tâlia ba altar lamara laikan, bara baku altar ba sin, Dawan yamnika yaban bahara wan saurka swin tikan sakripaiska ba dauki bara yamnika briaia.

Libait Lâka 9:9

Bara ai luhpia waitna nani ba bal, tâlia ba watla kum ra laiki bri sal witin ra yaban, bara Eran ai mihta sirpika nani ba baha tâlia ra buski bara altar ra aringka nani ba ra yukan. Baha ningkara tâlia ba altarka ba lama kat laikan.

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

Hibru Nani 9:22

Lâ bîla wisa, diara nani aihkika ba tala ni klin daukan kaia sa; bara tala saki laikras kaka, saurka nani ba sip swih tikras sa.