Libait Lâka 4:23 - DAWAN BÎLA AISKA

²³ witin nani ai dara walbia saura daukan ba. Ai tânka bribia ba ra, mahka pali guts wainhka kum watawan âpu pali ba, ai saurka mana prisantka yabaia brih wabia.

Libait Lâka 4:23 ပူးပေါင်းရင်းမြစ်များ

Lawana Nani 90:8

Wan saurka bara wan watawika nani ba, man mamwanra kahbi swin sa.

Isikiel 43:22

Yua yapra wala sakripais daukbia, saurka daukan ba mana yaia, guts lupia kum aiska sunu ba, bara prîs nani baha klin daukbia altar ba ra, sîp lupia nani klin daukata ba baku.

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 23:19

“Guts wainhka kum sin brih balbia, saurka swin tikaia sakripaiska daukaia, sîp luhpia sin wâl mani kum bri ba, kli wal uplika takaia sakripaiska daukaia.

Libait Lâka 4:14

witin nani saura daukan ba ai dahra waluya ba ra, uplika ba mahka balbia, ai saurka ba ban swih tikaia sakripaiska daukaia. Bîp wainhka kum brih wabia, Dawan wal aisaia Tintka watla ra.

Libait Lâka 4:24

Witin ai mihta ba gutska ba lal ra kahbia, Dawan kaiki ba ra; baha ningkara, daiwra ba nana klaki dakbi ikbia, daiwan nani ikaika pliska ra, angkbia saurka daukan ba mana sakripaiska.

Libait Lâka 4:28

saura daukan ba witin ai dara waluya ba ra, mahka pali guts kum brih wabia, watawan âpu sunu pali ba, bara baha saurka daukan ba mana prisantka Dawan ra yabia.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 5:4

“Upla kum pain ai dara wali luki kaikras kira, diara kum yamni, apia kra saura kum kra daukaia dukiara swer taki aisin, sakuna baha minitka ra kau ai tânka briras kan, ningkara witin ai dara walan ba ra, baha swer taki aisin saurka ba mana pâtkira kulkan kabia.

Libait Lâka 9:3

Bara Israel luhpia nani ra wis, witin nani sin guts wainhka kum bri balbia saura daukan ba mana yabaia, bîp lupia sin kum, sîpka ba mani kum bri kaka, wîna ra watawan âpu kaia sa, baha wîna ba aiska angki Dawan ra prisantka yabaia.

Kulki Kaikanka 15:24

“Bara saura daukan ba, ban kra witin ai kupia lâka apia kan, upla nani sin kupia lâka apia kan kaka, baku kaka upla nani sut wina bîp wainhka aiska angki kîa pain dauki aikbia, plun nani prisantka, wain sin, Gâd mita lâ mangkan ba kat. Baha purkara, guts lupia kum sin aiska angki aikbia, saurka daukan ba dukiara.

Kulki Kaikanka 28:15

Yu bani daiwan aiska angkaia ba purkara, guts lupia kum Dawan ra angki yan kabia saurka dauki ba mana, wain prisantka sin yabaia.

Kulki Kaikanka 28:30

Guts lupia kumi sin aiska angkbia, baha lika saurka swih tikaia mana.

Kulki Kaikanka 29:11

Saurka daukan ba mana guts lupia kum aiska angki yabia, kli baha purkara sin saurka ban swih tikaia, yu bani dauki ba daukbia, barli mâ nani bara wain prisantka ba sin.

Kulki Kaikanka 29:16

Baha sut purara, guts sin kumi aiska angkaia saurka daukan ba mana yabia, pat sakripais yu bani barli mâ wal daukan prisantka ba bara wain ba sin yabia.

Kulki Kaikanka 29:19

Baku sin guts lupia kum aiska angki yabia, saurka ba mana pat sakripais yu bani dauki ba, purara plun mâ nani prisantka bara wain ba sin yabia.

Kulki Kaikanka 29:5

saurka swih tikaia mana, guts wainhka lupia kum aiska angki yabia,

Kulki Kaikanka 7:16

guts kum saura daukan mana sakripais daukaia,

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.