Libait Lâka 4:2 - DAWAN BÎLA AISKA

² “Israel luhpia nani ra wis, upla kum ai lukanka wina saura daukaia lukras kan ban saura kum daukan ba, Dawan lâka nani krikaia apia win kuna lâka nani ba ban krikan ba, baha sât uplika lâka ba naku daukan kabia:

Libait Lâka 4:2 ပူးပေါင်းရင်းမြစ်များ

Blasi Sturka 20:9

Baha ningkara Abimélec Ebraham ra paiwan balan, bara witin ra win: —¡Kaiks, man dîa pali luki yang ra naku ai daukram ba! ¿Yang na dîa saurka ban man mampara daukri, bara man bui yang purira, kingki tasbaya purara sin, naku saurka tara pali ba bri balaia daukram na? Upla baku diara daukras.

Lawana Nani 19:12

¿Ya witin ai swakwanka nani tânka briaia sip sa? ¡Yukuwan ra daukri pâtki nani daira walras sna ba, baha wina man klir ai sâks!

Lawana Nani 19:13

Tara bara praut pulaia daukanka nani nampakan bri ba, witin wina sâks; baha lâka nani yang purira aimakbiara. Bara baku lika, upla pâtkas kamna; lâ sauhkanka tara daukaia ba wina sin klir kamna.

Smasmalkra 5:6

Yabrika bîlam mita saura daukaia ra mai brih wabiara, bara ningkara kra wima, Gâd blikan uplika ra tânka briras mita daukras. ¿Dîa muni yaka Gâd ai kupia sauhkbia, bara paskram ba sauhki tikaia?

Libait Lâka 22:14

“Ya ya prîs taika apia ba, ai dara walras prîs ra yan pata pibia kaka, witin baha mana aibapbia prîs ra. Bara kau mânka matsip pura praki aibapbia;

Libait Lâka 4:1

Dawan ba Moses ra aisi, naku win:

Libait Lâka 4:13

“Israel luhpia nani sut ai tânka briras kan witin nani sin ban kra ai dara walras, saura daukan kaka tânka Dawan lâka mapara daukan bara baku witin nani pâtkira takan sa kaka,

Libait Lâka 4:22

“Wihta tara kum ai tânka briras saura daukan, Dawan lâka nani ba krikan, baha saurka ba mana witin ra kulkan sa kuna ai dara walras sa kaka,

Libait Lâka 4:27

“Upla wala nani kulkanka mâyara kum, saura daukan ai tânka briras kira, witin diara kum daukan bara Dawan lâka nani ba mapara pâtkira takan sa kaka,

Kulki Kaikanka 35:11

man nani ra mamrikamna ani tawanka nani ba man nani bâk saki briaia, upla kum mita upla wala kum ra ikaia lukras si ban ikan ba yukuwaika.

Kli Smalkanka 19:4

Bara kaikisa witin nani wal ai waihla apia kan ban ikan ba ra, ikan uplika ba sip sa tawan nani ba wina kum ra plapi swakwaia dukiara.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

Hibru Nani 5:2

Prîs pali ba sin ai wîna swapnika nani brisa, bara baha mita witin sip sa, kan ai dahra walras nani ba bara aimawahki nani ba aikuki sin ai kupia swapni bri kaia.

Hibru Nani 9:7

Sakuna kutbanka wala kum ba ra lika, prîs tara nani baman dimisa, bara baha ba lika mani bani bilara aima kumi baman. Witin dimi auya ba ra, daiwan nani tâlia brih waia sa, baha ba Gâd ra yabisa, ai saurka nani dukiara bara upla wala nani saurka nani dukiara sin.

Jems 3:10

Sim bîla wina mayunra nani bara lahtuban nani sin takisa. Muihki nani, naha na naku kaia sip apia sa.

1 Samuil 14:27

Sakuna Janatan lika walras kan, ai aisa baku aiklaklabra nani sut nina ra swer taki aisin ba. Bara ai klahkla sakban dus ai mihta ra bri kan ba wal nasma laya ra buski din, bara ai karnika brin.