Libait Lâka 3:17 - DAWAN BÎLA AISKA

¹⁷ “Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Libait Lâka 3:17 ပူးပေါင်းရင်းမြစ်များ

Blasi Sturka 9:4

Sakuna wîna tala bri nani ba, man nani pima apia, kan tala ba sika upla rayaka sa bamna.

2 Kronikas 29:35

Baha purkara wîna aiska angki prisantka yaia sakripaiska ba ailal pali daukaia kan, kli wal uplika takaia sakripaiska daukaia wîna batanka nani ba sin ailal pali kan, baha angki bara wain di prisantka nani yabaia ba sin. Baku dauki natka ra tempel ra Dawan ra mayuni kaia lâka ba kli bukan.

Nihimaya 8:10

Ba purkara Esdras naku win: “Man nani was, plun aihwa pis, wain damni sin dis, bara ani uplika plun ridi daukan âpu sa kaka, man nani plun piaia brisma ba wina yas, kan wan Dawanka ra yaia yua bâk sakan bamna. Man nani sari kapara, liliam bas, Dawan liliaka ba wan karnika bamna.”

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 28:43

Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Isikiel 44:15

“Libait nani prîs takan Sadoc kiamka nani ba, tempelka ra ban wark dauki kan Israel luhpia nani tnaya ra taki wan ba ra, sip kabia laimara balaia duki daukaia. Witin nani maiwanra balbia bara batanka nani ba tala ba sakripais dauki aikbia. Yang, Dawan ba, baku adar yabisni.

Isikiel 44:7

Man nani tempelka ba tâski daukisma, yabram upla tringsar nani ba dimisa, upla yang wal lâ daukan tukinka âpu, ai lukanka ra bara ai wîna tara ra sin apia; tâski daukisa sakripais baku aiki batanka bara sakripaiska tâlia bara lâika nani bara pura lui baha daukanka saura wal.

Libait Lâka 10:15

Kuhma ba aima bani prisantka yabisa, lama dusa ba sin, kau pain ba sin, Gâd mawanra bri si marikan kabia, prisant painkira baku. Batanka ba man luhpiam nani aikuki brima, baku piu sut baha bri kama, Dawan aisin ba baku; luhpiam waitna bara luhpiam mairin nani aikuki, kan baha sika kli wal uplika takaia sakripaiska, Israel luhpia nani dauki si swin bamna.

Libait Lâka 10:9

“Man, apia kaka luhpiam nani, Dawan wal aisaia tintka watla ra dimbia ba ra damra walma, kli wain dih dimbia apia. Wain bara bahmuna sâtka wala sut sin dima apia, pruma ra sîa. Naha lâka baku kulki ban kabia, bara aisa nani ai luhpia nani sut ra wibia naha lâka na.

Libait Lâka 16:29

“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma.

Libait Lâka 16:34

“Naha lâka na man nani piu bani naku ban dauki kaia lâka sa: mani bani aima kum, naha daukanka na dauki kaia sma, pâtkam nani ban swih tikaia mata, Israel luhpia nani saura dauki ba pura sunra.” Bamna Moses baha warkka daukan, Dawan mita witin ra dîa daukaia win ba baku.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 23:14

Disang mâ nani brisma ba wina, diara kumi sin pima apia, Dawan ra pas prisantkam ba brih wama ba kat, brit, plawar kâkan nani ba sin. Lâka na baku dauki kaia, bamna aisikam nani wina luhpiam nani ra smalki kama, ani anira iwi kama sin.

Libait Lâka 23:21

“Man nani baha yua ba lilia daukma, aidrubanka ba sunu, wark sâtka wala sin daukma apia. Naha lâka na baku dauki ban kama, aisa nani luhpiam nani ra smalki kama, baku ani anira iwi kama ba ra naku dauki kama.

Libait Lâka 24:3

Eran baha lampka nani ba ridi dauki kabia, Dawan kaiki ba ra swibia tihmia aiska daskras ingni ba bâra ban kabia, tint watla ba bilara lâ nani auhbi swin ba watla lamara, kwala paman ba lamara upla nani ra ingni yabi kaia; naha lâka na man nani kulki ban kama yuam nani sut, luhpiam nani ra sin smalki kama.

Libait Lâka 24:9

Prisantka ba yaban ningkara britka ba Eran bribia, kiamka nani ba sin, bara holi daukan pliska kum ra wabia, bara baha witin nani pibia. Baha sika Dawan ra yaban pata kau sunu pali daukan ba.”

Libait Lâka 3:16

Ningkara prîs ba baha nani sut brih, altar ra angkbia, plun angkaia prisantka, kîa painkira Dawan kiawali ba, baha batanka nani sut ba witin bribia.

Libait Lâka 4:1

Dawan ba Moses ra aisi, naku win:

Libait Lâka 6:15

Plawar bri balan uplika kum ba, plawar ba ai mihta banhki bribia, batana laya ba wina sin wirâ bribia, bara kîa pain angkaia dukia nani ba sin bribia; bara pata nani ba sut, altar purara angkan baku, kli ai kupia kraukbia. Dîa brin ba angki kîa yamni daukbia, Dawan pain kaiki ba dauki yabia.

Libait Lâka 6:18

Naha lâka daukan na, Eran kiamka nani prîs aimaki kabia ba piua sut, lâka na kulki ban kabia, Dawan ra plun nani prisant yaban, angkan tâka kau swin ba, baha witin nani piaia bribia. Dîa dîa diara wala nani baha prisantka nani kangbia kaka dukia ba sin, sunu kulkan kabia.”

Libait Lâka 6:22

Eran kiamka nani wina Eran watlika ra prîs tara lâka ra mangki ba ra, baha yua ba baku dauki kabia. Piua bani, prîs tara Dawan warkka ra mangki ba piua ra, sakripais prisantka nani angki baku prisantka sut pali angkbia.

Libait Lâka 7:23

“Naha lâka nani na Israel luhpia nani ra wis: Witin nani bîp wainhka batanka, sîp bara guts batanka nani ba wirâ lupia sin piaia apia sa.

Libait Lâka 7:34

Israel luhpia nani yang wal kli ai uplika takaia sakripaiska dauki ba, daiwra lamkuka ba prisantka kum yang brisna, bara kuhma kum ba prîs Eran bara luhpia nani ra mana baku yabisna, Israel luhpia nani sakripais daukuya ba piua bani, baha kuhma kum ba prîs ra yabi kabia.”

Libait Lâka 7:36

Dawan mita win Israel ra wiaia witin nani prîs luhpia nani ra sin plun yabi kabia. Prîs mangkan ba yua wina, baha lâka ba upla nani purara kahban kan ba, piu bani baku dauki kaia, aisika nani ba naha lâka ai luhpia nani ra smalki ban kaia.

Kulki Kaikanka 19:21

Naha lâka na man nani kulki ban kama. Upla mita upla wala ra sunu saki laya ni srikbi ba, witin ai kwalka ba tuskaia sa. Ya ya sunu sakaia laya ba ra kangbia kaka, witin ba tutni kat tâski kulkan kabia.

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

Kli Smalkanka 12:16

Sakuna tâlia ba piaia apia sma, kuna lî baku tasba ra laiks.

Kli Smalkanka 12:23

Sakuna natka kumi ra sin tâlia ba piaia sma, kan tala ba rayaka sa; baku bamna rayaka wihki wîna aikuki asla piaia apia sma.

Kli Smalkanka 12:24

Man nani daukaia sma ba lika, tasba ra lî baku laikaia.

Kli Smalkanka 15:23

Sakuna ai tâlia lika pipara, tâlia ba tasba ra lî baku laiks.

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.

1 Timoti 4:4

Diara nani sut Gâd mita paskan ba lika pain baman sa; diara kumi sin yawan saura kulkaia apia sa, sakuna sut ba Gâd ra tingki wih piaia sa,