Libait Lâka 26:5 - DAWAN BÎLA AISKA

⁵ plawar mâ nani, wain mâ nani piua kat dâkaia brima; wain mâ nani sin ban bri kama, dus mâ wala nani sin ban brih pi kama biamra banhki takma ba kat, bara kuntrikam ra âmyapah iwi kama.

Libait Lâka 26:5 ပူးပေါင်းရင်းမြစ်များ

Lawana Nani 144:13

Wan pata watla nani ba banhki sa; banhki sa plun sâtka nani wal. Wan daiwra daknika nani ba tausin nani sahwisa wan nasla nani ba tausin bara tausin brisa.

Lawana Nani 90:1

Dawan, kan wina man wan yukuwaika watla ban sma, piua nani sut tilara.

Impakan Sturka 16:8

Moses sin ban kau pura praki aisin: —Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.

Sins Lâka 1:33

Sakuna yang ra ai wali uplika nani ba, kupia kumi lâka ra iwbia; bara pât briaia sip ba laihura kabia.”

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 1:19

Man nani bui yang bîli wali daukaia wima kaka, plun pain nani tasba wina taki ba man nani pima;

Aiseya 30:23

Bara Dawan lî maikbia mâ nani bikram ba purara, tasba ra, mâ nani insla ra mangkram nani ba, tasba wina plun maikbia, manis pali ban pura lui kabia; bîpkam nani ba baha piua ra, twi ailal pali tilara twi pi kabia.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Oseas 2:20

Yang mayi mai brimna bara man wal kasak kamna, bara yang lika man dawankam sna ba, ai kaikma.

Joel 2:19

bara Dawan bui witin nani ra win: “Yang bui man nani ra plawar mâ, wain mâ, oliv mâ batanka laya sin blikamna, man nani âmyapah takma ba kat; bara idan nani ba, swirka kli man nani lamwaska kiki kabia apia.

Joel 2:22

¡Daiwan wail nani, man nani si bripara! Twi lâwan nani ba, kli sangni takbia, dus nani ba kli ai mâ sâkbia, kwah damni nani bara wain mâ nani ailal pali kabia.

Joel 2:26

Man nani pi âmyapah pali takaia praiska kat pima, bara Dawan Gâdkam ra mayunma, man nani dukiamra yang diara tara aihkakira nani daukri bamna. Yang upliki nani swira daukan ba yabrika ban kabia apia,

Emus 9:13

Dawan naku aisisa: “Yua nani aula, baha yua ra plawar mâ pihwan nani ba kau kriki bara pat kli mâ mangkaia piua ba aimakan kabia; wain mâ mangkan ba kau taibi danh daukras ba ra, plawar mâ mangkaia piua ba pat balan kabia, il tara nani bara kiuhsi nani bâk, wain laya nani ba laiwi kabia lî plapi ba baku.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Apastil Nani Sturka 14:17

piua bani witin ba ya sapa tânka marikan, diara yamni dauki ba bâk: lî kasbrika purara ba wina wankisa, insla ra plun yan pâwisa, witin plun aitani wankisa yawan pih lilia kabia dukiara.

Kli Smalkanka 11:15

Baku sin man nani daiwram nani pata twi sin yaka pâwbia, bara man nani plun ailal bri kama.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.