Libait Lâka 23:2 - DAWAN BÎLA AISKA

² “Israel luhpia nani ra naku wis: Naha yua nani piua mangki maikuna na, Dawan ra baman mayunaia yua sa, man nani baha yua nani ba holikira kulki kama.

Libait Lâka 23:2 ပူးပေါင်းရင်းမြစ်များ

2 King Nani 10:20

Baha mita, Jehú adar yaban lilia yua kum Baal ra daukaia, bara baku daukan kata.

1 Kronikas 23:31

daiwan aiska angki Dawan ra yabi ba ra, kati raya yua liliaka daukaia yua ra, yua tara nani liliaka dauki ba ra bara ris yua nani ra. Baha piua bani Libait nani ba wina kulki saki bliki kan, witin nani sika piu bani Dawan warkka ba dauki kan.

2 Kronikas 2:3

Baha ningkara Salaman bui Hiram Tiro kingka ra ai bîla blikan wiaia: “Yang aisiki Debit wal aisi lâ daukram ba baku yang ra dauks. Man yalam dusa nani klaki witin ra blikram, king watla mâki bahara iwaia.

2 Kronikas 30:5

witin nani daukaia lukan bara Israel aiska ulbi maisa pakan, Beerseba wina Dan kat, paiwanka daukan ba Jerusalem ra wabia, Dawan Israel Gâdka ra Insal luan Yua Liliaka ba daukaia. Kan tâura upla ailal wal daukras kan, dîa Dawan lâka ra ulban ba kat.

Esdras 3:5

baku sin yu bani sakripaiska angki dauki kan ba, baku sin kati raya sakripaiska nani Dawan ra mayunaia liliaka holi nani ba, upla sut ai kupia lâka kat Dawan ra prisantka nani yabi kan.

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Impakan Sturka 32:5

Eran baha kaiki, bîp lupia lilka ba mawan kat altar kum paskan bara karna aisi, naku win: —Yauhka yawan bui Dawan ra pain kulki lilia tara daukbia.

Aiseya 33:20

Saion ba kaiks, yawan mani bani Dawan ra lilia tara dauki tawanka tara ba; man namkra nani Jerusalem ra kaiki kaikbia, sâp iwaia watla ba, tint watla kum slingbras kabia ba, dusa bapan ba sin daiki sâkbia apia, kiwka nani kumi sin dakban kabia apia.

Inanka Nani 1:4

¡Nahki sari pali sa, Saion ra waia yabalka nani ba! ¡Upla kumi sin âpu sa liliaka nani ra balaia! Tawan getka nani sut ba bîla baman swin sa, prîs nani ba inisa, tiara nani ba sari takisa, bara Jerusalem pât wahwanka ba tahpla pali sa.

Isikiel 44:24

Aiklabanka tilara, witin nani wihta baku kaia sa, bara lâ daukbia yang lâika ba kat. Lâika nani ba kat daukbia bara smalkbia lilia daukaia yua nani ra, bara kulkan kaia yua nani holikira baku riski yua nani ba.

Oseas 2:11

Ai liliaka dauki ba takaskamna, lilia daukaia yua nani bri ba, kati raya ra, ris yua nani bri ba, bara lilia tara daukaia yua nani sut bri ba sin.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Joel 2:15

¡Man nani trumpit ba, Saion ilka ra puhbi bas! Upla nani ba paiws balbia, witin nani ra wis, kaiki plun wahwi banhbia;

Libait Lâka 23:1

Dawan ba Moses ra aisi, naku win:

Libait Lâka 23:21

“Man nani baha yua ba lilia daukma, aidrubanka ba sunu, wark sâtka wala sin daukma apia. Naha lâka na baku dauki ban kama, aisa nani luhpiam nani ra smalki kama, baku ani anira iwi kama ba ra naku dauki kama.

Libait Lâka 23:37

“Naha yua nani na, Dawan mayunaia warkka baman daukaia yua kulki kama, baha yua nani ba sin sunu kulkbia. Man nani aidrubi balma ba ra, prisantkam nani sin bri balma Dawan ra yaia, sakripais daukaia daiwan aiska angkaia, plun nani prisantka nani, wain prisantka sin, yu bani dîa prisantka nani bri balaia ba tânka kat.

Libait Lâka 23:4

“Naha yua nani ra piua ba kat asla aidrubi lilia dauki kama, Dawan nina holi kulki kaia.

Libait Lâka 23:44

Bamna baku Moses naha sturka Israel luhpia nani ra win, baha yua nani mani bani piua aimaki ba kat lilia dauki kaia lâka nani ba, Dawan liliaka baman daukaia ba.

Nahum 1:15

¡Kaiks! ¡Il nani pura bâk pat aula sa, kupia kumi takaia sturka ba brih aula uplika ba! Juda, liliakam dauks, man pramiskam nani ba alki dauks. Upla saurakira nani ba, kli aima wala ra sin mai kutbi alkbia apia; witin nani ba aiska pali sauhki tikan sa.

Kulki Kaikanka 10:10

Man nani lilia daukaia yua ra sin trumpit ba puhs, kati raya yua liliaka daukaia, daiwan aiska angkaia yua, Dawan wal kli uplika takaia yua. Bara baku yang bui man nani ra kupi krauki kamna. Yang sika man nani Dawan Gâdkam.”

Kulki Kaikanka 29:39

“Daiwan aiska angki Dawan ra yabaia ba, baha purkara kupia aiska diara yaia lâ daukan, baha daiwan aiska angki kaia ba, barli mâ nani bara wain sin; apia kaka wal kli uplika taki lâka nani daukaia, naha lâka nani sika Dawan daukan ba, upla nani ba baku daukbia.”

Jan 5:1

Naha ningkara, Ju nani lilia piua tara kum bri kan, bamna Jisas kli Jerusalem ra tawi balan.

Kolosi 2:1

Bamna brinki sa, aiklabanka tara brisna ba tânka brima, kan baha ba man nani dukiamra bara Leodisia ra iwi nani ba sin, bara yang wîni tara latan kaikras nani ba sut dukiara sin.

Kolosi 2:16

Bamna, upla kumi mita sin yarka lâmka aisi daukbiara, plun pisma, apia kaka diara disma ba dukiara, lilia yua nani kulkaia dukiara kra, kati raya, apia kaka ris yua nani sin dukiara.