Libait Lâka 22:2 - DAWAN BÎLA AISKA

² “Eran ra bara ai kiamka nani ra sin wis, Israel luhpia nani yang ra diara aikaia brih aula ba, witin nani aman kaiki kaia sa, yang nini sunu ba sauhkaia apia tâwan. Yang sika Dawan.

Libait Lâka 22:2 ပူးပေါင်းရင်းမြစ်များ

Esdras 8:28

Bara yang bui witin nani ra wîri: “Man nani sut pat Dawan lâka kat sunu takram sa, gul nani bara silbar nani ba sin sut sunu daukan sa, Dawan wan aisika nani Gâdka ba dukia.

Impakan Sturka 13:12

Man nani luhpiam tawahkia bani baiki ba, daiwram nani sin ai tawahkia baiki ba sut Dawan ra yabi kaia sma, kan tawahkia nani sut ba sika Dawan dukia sa bamna.

Impakan Sturka 28:38

Bara baku Eran lal wilkaika ra ulbanka ba bâra ban kabia, bara Israel luhpia nani Dawan ra diara yabaia lâka ra pirwi ba, baha wirhika ba Eran twilki kabia. Witin nani ai prisantka brih aula ba ra, baha ulbanka ba mita Dawan baha prisantka ban bribia.

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Isikiel 44:8

Yang ra ai pura sunaia lâka witin nani ra yabri ba daukras, sakuna baha warkka ba tringsar nani ra yan daukaia.’

Libait Lâka 15:31

bamna baku Israel luhpia nani, man nani tâski ba wina laihura wama. Diara tâski kulkan ba dauki tâski takma apia, baku sin pruma apia, yang altarki lamara mai kaikisna ba pliska ra.”

Libait Lâka 18:21

“Luhpiam nani kumi sin gâd Moloc ra prisant baku yapara. Baku dauki Gâdkam nina ba sauhkpara. Yang sika Dawan.

Libait Lâka 19:12

“Yang nini mâki pramis kunin daukpara, kan Gâdkam nina sauhkisma. Yang sika Dawan.

Libait Lâka 20:3

Yang baha waitnika mapara kamna, ai uplika nani tila wina sakamna, tintki watla tâski daukan, yang nini swiri tara daukan ai luhpia Moloc ra yan bamna.

Libait Lâka 21:6

sakuna sunu pali Gâd lâka aiska ra sunu takaia sa, ai nina ba saura kulkaia apia, witin nani sika prisant nani ba, sakripais nani ba angki brit ba sin Gâd ra yabisa, bahamna witin nani sunu kaia sa.

Libait Lâka 22:1

Dawan ba Moses ra aisi, naku win:

Libait Lâka 22:32

“Nini holikira ba sauhkpara, baku Israel luhpia nani tilara holi ai kulkan kabia. Yang sika Dawankam, man nani holikira mai sakri ba.

Kulki Kaikanka 18:32

Ani piua diara kau yamni ba yang ra aikaia sâkbia ba ningkara, dîa kau tawbia ba, witin nani pibia. Bara saura tâski kulkbia apia, baku dauki kabia bara Israel luhpia nani diara prisant aiki ba sunu kulkan kabia. Bara prura pâtka ra sin, witin nani ra alkbia apia.”

Kli Smalkanka 15:19

“Daiwan wainhka tawahkia, bîp, apia kaka sîp nani wina aisubi takbia ba, Dawan Gâdkam dukiara holikira kulkaia sma. “Bîp luhpia wainhka tawahkia aisubia ba wark dingkpara, sîpkam luhpia tawahkia ba sin tâwa irpara.