Libait Lâka 2:4 - DAWAN BÎLA AISKA

⁴ “Plun mâ sâtka nani prisantka ba, man nani altar ra piaki bri balma ba ra, plawar kau pain ba wina bri batana laya laiki akbi brit nani dauki bri bal; sakuna îs lika mangkaia apia, apia kaka, dus wahia nani îs mangkras, batana laya ni srikbi bri bal.

Libait Lâka 2:4 ပူးပေါင်းရင်းမြစ်များ

Lawana Nani 22:14

Karniki âpu, lî laikan baku ai daukan; dusi nani sin lukutbaika bani wina aihka sakan sa. Kupi na sin blas baku, yang wîni biara ra slilwisa.

Impakan Sturka 12:8

Bara wîna ba sin tihmia iwbia ba ra pauta ra duki, brit îs âpu dauki angki, dus wahia tahpla nani aikuki dauki pibia.

Impakan Sturka 16:31

Bara Israel luhpia nani, plun wahbi kan ba pata nina ba manâ mâkan. Manâ ba pihni kan, wibia kaka starapil mâ baku kan, bara damni sim brit nasma ra buskan baku.

Impakan Sturka 29:2

Plawar kau pain ba brima, oliv batana laiki brit daukma. Tila brit nani ba, îs mangkras, wala nani ba sin. Turtiya nani sin daukma îs âpu, bara damni taya purara laikma.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Isikiel 46:20

ai win: “Nahara sika prîs nani piakaia kabia, wîna sakripais daukuya ba saurka lâka tâwan, bara piakbia ba barli prisantka yabuya ba. Baku sâkbia apia kutbanka painkira latara ba ra, baku sin tawan uplika nani ba dimbia apia, bâk sakan ba pliska ra.”

Libait Lâka 1:11

bara Dawan kaiki ba ra, altarka tnaya yahbra tani ra daiwra ba skiru ni sabi ikbia. Bara Eran luhpia prîs nani ba bal, tâlia ba brih altar purara, tnaya nani kir ba ra srikbia.

Libait Lâka 10:12

Baha ningkara Eran luhpia nani, Eleazar bara Itamar, ai aisika watla ra kan, bara Moses bui naku win: —Barli mâ sâtka prisantka angkan nani ba wina, kau bâra ba man nani bris, sakuna îs mangkaia apia, bara altar lamara piaia sma, kan baha ba pat holi pali daukan bamna.

Libait Lâka 6:17

Plawarka ba îs mangkras angkbia, baha plawarka yang ra prisant aikan angkan ba wina witin nani ra yabri sa kaka, baha ba sunu pali kulkan sa bamna, saurka swih tikan pâtka kulkras swin ba sakripaiska daukan ba wal baku kulkan sa bamna.

Libait Lâka 7:12

Baha sakripaiska daukaia brih aula ba, Dawan ra tingki wiaia lâka daukaia sa kaka, naha diara wala nani sin brih balaia sa: plawar îs mangkras, oliv batana laya ra akbi brit daukan ba, dus wahia nani îs mangkras batana laya ni srikban ba, plawar mâ pain nani batana laya ra akbi brit daukan ba;

Kulki Kaikanka 6:15

Baha purkara plawar kau pain îs mangkras batana laiki akbi brit daukan ba baskit kum brih balaia sa; dus wahia sâtka nani ba sin îs mangkras, batana laya ni srikbi, plun mâ sâtka nani prisantka ba bara wain sin brih bal ai prisantka yabaia sa.

Matiu 26:38

Bara witin nani ra win: —Sulki ra sari pali ai daukisa, pruaia prais. Man nani nahara takasks, bara yang wal aihwaki bas.

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

1 Pita 2:22

Kraist ba saurka kumi sin daukras; upla kumi ra sin kunin munras kan.