Libait Lâka 2:14 - DAWAN BÎLA AISKA

¹⁴ “Insla ra barli mâ sâtka nani laya dingki ba wina Dawan ra prisantka yabaia bri aulma kaka, mâ tilwi lupia nani ba kâki, wahbi plawarka dauki bri balaia sma, plun mâ disang nani ba drusbi baku daukaia sa.

Libait Lâka 2:14 ပူးပေါင်းရင်းမြစ်များ

Blasi Sturka 4:3

Bara baku takan piua nani impaki kan ba ra, Ken tasba mâ nani ba wina ai prisantka kumi Dawan ra bri balan,

2 King Nani 4:42

Baha ningkara Baal-salisá wina waitna kum balan, bara Ilaidsa ra yabaia barli mâ britka angki sakan ba wina 20 brih balan, baha purkara plawar kura singban ba sin diara watla kum. Bara Ilaidsa ai albika ra win: —Baha upla nani ra yas pibia.

Libait Lâka 2:15

Plun mâ prisantka ba purara kîa pain dauki angkaika mangkaia, batana laya sin laikaia, kan plun prisantka bri balan bamna.

Libait Lâka 2:16

Bara prîs ba baha prisantka bri balan ba wina, wirâ saki bribia, batana laya ba wina sin kîa yamni daukaia, angkaia dukia mangkan ba sin bribia, bara wan kupia kraukaia prisantka kum angki, Dawan ra pain kulki lâka ba dauki yabia.

Libait Lâka 22:29

“Prisant kum Dawan ra tingki wiaia brih balan ba ra, naku dauks, baha ba yamni briaia mata.

Libait Lâka 23:10

“Israel luhpia nani ra wis: Man nani ra tasba kum maikaia wîri ba tasbaya ra dimma ba ra, plawar dâkma ba ra, baha mâ nani kiaubi wilkanka pas wilkma ba, prîs ra yama.

Libait Lâka 23:13

Baha purkara, plawar kau pain ba paun walhwal pura, batana laya ra akbi daukan ba, Dawan ra prisant yan kabia, angki kîa pain daukaia dukiara, laikaia prisantka kum sin wain batil kum bri balan kabia.

Libait Lâka 23:20

Prîs ba baha daiwan nani ba, britka ba, insla pata mâ nani pas bara sîp luhpia wâl ba bribia, bara prisant painkira dauki Dawan ra yabia. Dawan ra holikira daukan kabia prîs ba dukiara.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Kulki Kaikanka 28:2

“Israel luhpia nani ra wis, ai âuya tikbiara witin nani yu bani naku dauki kaia lilia daukaia piua ra, diara aikaia ba piua kat aiki kabia, brit aikaia ba ai kupia aiska wina aikbia, kîa pain, yang aitani kulkisna ba kat angki aikbia.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.

Param Marikanka 14:4

Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.