Libait Lâka 19:3 - DAWAN BÎLA AISKA

³ “Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 19:3 ပူးပေါင်းရင်းမြစ်များ

Blasi Sturka 48:12

Josep tukta nani ba ai aisa plahpia wina sakan, bara ai aisika mawanra yaban tasba kat bawi ai lula krikan.

Nihimaya 9:14

Bara witin nani ra sin smalkram, man yuam ra ris briaia ba aihka saki sunu pali kulkaia, bara lâ smalkanka nani ba sin yaram albikam Moses mita smalkan ba.

Impakan Sturka 16:29

Naha luki kaiks yang Dawan, man nani ra ris yua kum maikri; baha mita yu matlalkahbi yua ra, yu wâl piaia pata ba maikisna. Baha mita yu matlalkahbi pura kumi yua ba man nani kumi bani wamtla ra kaia, wamtla wina takaia apia.

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Impakan Sturka 20:8

“Ris yua ba, man nani âmya ra bri kupiam krauki bas, Dawan ra kulkanka yabaia yua ba.

Impakan Sturka 21:15

“Ani uplika ai aisika bara ai yaptika ra pruki latwan yabia kaka, witin ba sin lâka dauki ikan kaia sa.

Impakan Sturka 21:17

“Ani uplika bui ai aisika ra bara ai yaptika ra sin saura wibia kaka, witin ba pât ra laki ikan kaia sa.

Sins Lâka 1:8

Luhpi waitna, aisikam mai smalki ba wals, bara sin yaptikam mai smalki ba, bahki kulkpara.

Sins Lâka 23:22

Man aisikam pali ra pain wals, witin mai baikan ba; bara yaptikam almuk takbia ra bahki kulkpara.

Sins Lâka 30:11

Tila upla bâra sa, ai papika ra ai bîla sawi ba, bara ai yaptika ra sin yamni pali wiras ba.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Libait Lâka 11:44

kan yang sika man nani Dawan Gâdkam sna. Man nani klin pali takaia sma holi pali sin, kan yang holi sna ba baku. Daiwan ai lamara raswi tauki nani ba aikuki tâski takpara.

Libait Lâka 19:25

Mani matsip kat bâra lika man nani baha mâ nani ba piaia sip kama, bara baku dus nani ba sin ai mâ kau ailal maikbia. Yang sika man nani Dawan Gâdkam.

Libait Lâka 19:30

“Man nani sabat yui nani ba kulki bas, holi pliska lâka ba yamni kulki bas. Yang sika Dawan.

Libait Lâka 19:31

“Pirit saura wal aisi, yapi kaiki uplika ra man nani wapara, witin wal aisi tâski takmara sîa. Yang sika man nani Dawan Gâdkam.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Libait Lâka 26:2

Sabat yui nani ba kulkanka yabi bas, kan yang yui bamna, bara pura sunra watla ba sin kulki kama: yang sika Dawan.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Hibru Nani 12:9

Baha purkara, yawan tuktan nani kan ba ra, wan aisika nani mita wapni wan mangki kan, bara yawan bui witin nani ra ban kulkanka yabi kan. Ban kaka, wan Aisika kasbrika purara ba ra bawaia yawan kau lâ brisa, bara baku mika raya banhwi kaia.