Libait Lâka 19:16 - DAWAN BÎLA AISKA

¹⁶ “Upla nina aisi taukpara. “Man uplikam ikaia lâka dauki ba tilara dimpara. Yang sika Dawan.

Libait Lâka 19:16 ပူးပေါင်းရင်းမြစ်များ

Impakan Sturka 23:1

“Sturi kunin twilki bri si aisapara. Upla saurakira watawi man dauki uplika ba tâwan aimaki, witnis kunin aisi man mita tâ baikpara.

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Sins Lâka 20:19

Dusa kakuhbra uplika ba lika dahra yukukaia lan apia sa; bamna dusa kakuhbra nani wal prawpara.

Isikiel 22:9

Ai kuninka tâka, uplikam nani ba pâtkira kulkan sa, upla wala prawi ba ra; aidul ra kulkanka tara wal, plun pi ba tilara wisa; diara saura kaikaia lâka ba daukisa.

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Jirimaya 6:28

Dawan, witin nani sut ba wan mapara babura atia sa; upla dusa kakuhbra nani bara watawikira atia; bras baku, ayan baku sa.

Sins Lâka 11:13

Aisin kwakwahkra uplika ba diara sut aisisa; kasak aisi uplika ba aisaras takaski brisa.

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

Lawana Nani 15:3

witin lika upla ninara saura aisaras; ai uplika ra diara saura munras; upla ai lamara iwi ba mapara sin sturi saura bukras;

Impakan Sturka 20:16

“Man uplikam witniska kunin aisi pât ra lakpara.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

2 Timoti 3:3

Ai uplika nani ra latwan bara umpira sin kaikbia apia, upla nina aisasara nani kabia, ai wîna brinka nani sip alki takaskras kabia, kupias nani bara diara pain nani waihla kabia.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

Matiu 27:4

naku win: —Yang saura daukri, waitna pâtkas kum prura pâtka ra mangkri bamna. Sakuna witin nani bila: —¿Bara baha ba yang nani maipara dîa sa ki? ¡Ba lika man kaikma si!

Kli Smalkanka 27:25

‘Upla pâtkas kum ikan mana ya lalah ai mana brin ba, lahtuban kabia.’ Bara upla sut wibia: ‘Baku kabia.’

Job 17:5

Baha nani luhpia nani ba plun wauhbia, witin nani mana kum briaia dukiara ai uplika nani ra pât ra dingki ba.

1 Samuil 24:10

King tara ba nâra laki kaikaia sip sa, walpa unta ra Dawan mita naiwa king ba mihti ra mangkan kan, sakuna yang bui ikaia brinki apia kan, ikras ban swiri bara ai rayaka ra kangbras. Yang kupi ra wîri, king tara ba king sa, Dawan bui bâk saki mangkan.

Lawana Nani 50:20

Man muihkam dahra kwahkisma; ¡muihkam pali ba mapara bîla wirha nani wisma!

Lawana Nani 101:5

Baha nani ba bîla prakaia daukamni yukuwan ra ai lamara iwi uplika nani ninara aisi ba; witin nani ba tara sa luki ba, ai mawan snungki aisi ba, ¡baha nani mapara sip kupi alki takaskras sni!

Sins Lâka 10:18

Misbara pura praki bri uplika ba kunin aisasara sa; nina sauhkan dahra kwahki ba, sins âpu nani warkka sa.