Libait Lâka 18:8 - DAWAN BÎLA AISKA

⁸ “Papikam mairka ba yapi, witin ra bahki kulkpara.

Libait Lâka 18:8 ပူးပေါင်းရင်းမြစ်များ

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

Blasi Sturka 49:4

Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

Isikiel 22:10

Kum kum nani ba, ai aisa maya ba ai maya baku wal brisa; apia kaka baha mairka ai katka bri piua ra saura munisa.

Libait Lâka 20:11

“Upla kum ai papika maya wal yapbia kaka, witin ai papika swira daukisa, waitnika bara mairka ba wâlsut ikan kabia, waitna ba ai prurika silp twilkbia.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

1 Korint 5:1

Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

Kli Smalkanka 22:30

“Upla kumi sip ai aisa maya wal prawaia apia sa, baku sa kaka witin wal lâ krikisa.

Kli Smalkanka 23:1

“Waitna kum mahbra ba pruki sauhkan, apia kaka wîna ba dakban kaka, sip apia kabia Dawan daknika ra dimaia.

Kli Smalkanka 27:20

‘Ya ai papika mairka wal yapbia kaka, lahtuban kabia, kan baha ba kulkanka yaras sa.’ Bara upla sut wibia: ‘Baku kabia.’