Libait Lâka 12:6 - DAWAN BÎLA AISKA

⁶ “Klin takaia piua win ba aimakbia kat, luhpia ba waitna kabia, apia kaka mairin kabia sin, yaptika ba mita sâkbia. Sîp lupia mani kum alkan ba, ai prisantka aiska angkbia, bara butku luhpia kum, apia kaka butku talia lupia ba kum brih, Dawan wal aisaia tintka watla ra wabia. Baha sut prîs ra yabia, saurka wina klin takaia sakripaiska daukaia,

Libait Lâka 12:6 ပူးပေါင်းရင်းမြစ်များ

Blasi Sturka 15:9

Bara Dawan pana witin ra win: —Bîp mairin tiara kum, guts mairin kum, sîp wainhka sin kum sal aik, kumi bani mani yumhpa bri kaka, bara butku almuk kum, sirpi lupia sin kum, asla dauki yang ra bri bal.

Libait Lâka 12:2

“Israel luhpia nani ra naha na wis: Mairin kum ba kwihra tiwan ba ra, ai luhpia waitna kum baikbia bara yu 7 tâski kulkan kabia, kati sikniska bri ba baku.

Libait Lâka 12:5

Sakuna ai luhpia mairin bribia kaka, wik wâl tâski kulkan kabia, kati sikniska bri ba baku, kau klin taki kabia yu 66 alkbia ba kat.

Libait Lâka 12:7

bara prîs ba, baha nani ba Dawan mawanra angki, mairka pâtka ba swi tikaia makabia. Bara baku witin ba klin takan kabia ai tâlia taki ba wina.” Naha sika tuktan waitna nani bara tuktan mairin nani aisubi taki ba dukiara.

Libait Lâka 14:22

Butku sirpi wâl, apia kaka butku kau tara wâl, dîa sip ba kat bri balbia, kumi ba saurka daukan sakripaiska mana, wala ba aiska angkaia.

Libait Lâka 15:14

Bara yua 8 ba butku lupia wâl, apia kaka butku tara wâl brih, Dawan wal aisaia tintka watla ra wabia, Dawan kaiki ba ra daiwra nani ba prîs ra yabaia.

Libait Lâka 15:29

Bara yu 8 kat butku sirpi wâl, apia kaka butku wâl brih, Dawan wal aisaia tintka watla ra wabia.

Kulki Kaikanka 6:10

Bamna yu matlalkahbi pura wâl alkbia ba ra butku sirpi wâl, apia kaka butku tara wâl brih balan kabia prîs ra, asla takaia tintka watla dimaika ra.

Luk 2:22

Moses lâka ra ulban ba kat, witin nani ai wîna klin sakan baku, piua ba aimakan ba ra, tukta lupia ba sin Jerusalem ra brih wan Dawan ra yabaia.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.