Libait Lâka 11:44 - DAWAN BÎLA AISKA

⁴⁴ kan yang sika man nani Dawan Gâdkam sna. Man nani klin pali takaia sma holi pali sin, kan yang holi sna ba baku. Daiwan ai lamara raswi tauki nani ba aikuki tâski takpara.

Libait Lâka 11:44 ပူးပေါင်းရင်းမြစ်များ

Lawana Nani 99:5

¡Man nani bui Dawan wan Gâdka ra mayuns, witin ai mina ra lulam kriki banhs! ¡Gâd holikira sa!

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Impakan Sturka 16:12

—Israel luhpia nani rangbi aisi kan ba yang walri. Bamna man bui witin nani ra aisi wis: ‘Tutni mani ra witin nani upan piaia bribia. Baku man nani kaikma, yang sika Dawan Gâdkam sna ba.’

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Impakan Sturka 19:6

Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 22:30

bîpkam nani, sîpkam nani luhpia tawahkia ba sin yang ra aikaia sma. Witin nani sip sa ai yaptika wal kaia wik kum, kuna lapta 8 alki yua ba yang ra sal aikaia sma.

Impakan Sturka 22:31

“Man nani ba, yang dukira baman bâk mai saki briri uplika nani sma. “Daiwan wail mita daiwan kum wîna ba kalki pîs ra daukan kaka, wînka ba pipara; yul nani ra dakaks.

Impakan Sturka 23:25

Dawan Gâdkam ra puram suni mayuni bas, bara witin mita patam nani ra lî nani ba pura ai yamnika yabi kabia. “Yang sin siknis nani ba, man nani wina laihura sakamni.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Aiseya 43:3

Kan yang sika man Dawankam, man sasakrikam sna, Israel ra Gâd Holikira ba, yang duki mai briri; man puram manka baku Idsip ra, Etiopía ra bara Sebá sin aibapri.

Aiseya 51:15

“Yang sika man Dawan Gâdkam, yang nini karnika sut bri Dawanka; kabu ba nikbisna bara ripka nani ba yâri lawisa,

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 11:43

Man nani tâski takaia apia sma, bahki mai kulkan sin takaia apia sma naha daiwan nani tâka,

Libait Lâka 18:2

“Israel luhpia nani ra naku wis: “Yang sika man nani Dawan Gâdkam.

Libait Lâka 19:10

Wain nasla ra mâ nani kauhan ba, kli pliki wahbi bripara; swis baha umpira nani, upla tringsar nani bal bribia. Yang sika man nani Dawan Gâdkam.

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 19:4

“Aidul nani nina bliki wapara, bras aidulka nani sin paskpara. Yang sika man nani Dawan Gâdkam.

Libait Lâka 20:26

Man nani holi kama, kan yang, Dawan, holi sna bamna, baku kama tawan upla sâtka wala nani tila wina aihka mai sakri.

Libait Lâka 20:7

“Man nani wînam aiska holikira taks yang ra. Yang sika man nani Dawan Gâdkam.

Libait Lâka 21:8

Prîs ba bahmuna saura ba wina tnaya ra kabia, witin nani sika Gâd kaiki ba mawanra bal brit prisantka ba yabisa. Bamna sunu kaia sa, Gâd ba sunu sa bamna. Kan yang, Dawankam sunu sna, bara sunu mai daukisna.

Emus 3:3

Upla wâl asla wapi ba tânka, ai lukanka kumi takras, witin wal lukra kumi sa bamna.

Kulki Kaikanka 15:40

Kwala blu pîska lupia nani kaiki ba ra kupiam krauki kama, bara lâika ba sin dauki kama; baku mika man nani lika yang maipara sunu kama, yang sika Gâdkam.

Matiu 5:48

Man nani upla kasakkira banhwi bas, kasbrika purara ba kasakkira sa baku.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

1 Tesalonaika 4:7

Gâd mita tâski lâka âpu iwbia wisi wan paiwan sa, kuna tâski lâka ra lika apia.

Jasua 24:19

Sakuna Jasua bui witin nani ra win: —Man nani sip Dawan warkka daukras, kan witin lika Gâd kum holikira sa, bara ai nina tâwan lalawra sa, ban swibia apia kiamapara nani ra bara man nani saurkam daukisma ba sin.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 22:11

Bara baha ba kau bamna, swis saura dauki uplika ba ai saurka ban dauki kabia, tâski dauki uplika ba ai tâskika lâka ba ban dauki kabia; sakuna upla kasakkira ba kasakka lâka ba ban dauki kaia sa, bara upla holikira ba Gâd ra ban kasak kabia.”

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!

1 Samuil 6:20

Bamna Bet-semes uplika nani aisin: “¿Ya sip sa naha sât Dawan holikira na mapara buaia? ¿Yawan wina takbia ba ra, witin yaura wabia?”