Libait Lâka 11:32 - DAWAN BÎLA AISKA

³² “Baku sin dîa dîa nani daiwan pruan ba purara kauhbia ba, baha tâski kulkan kabia. Dus kum, kwala pîs kum, daiwan taya kum, bîk kum, wark daukaia dukia kum kra, liura swin kabia, bara tihmia kat tâski kulkan kabia, baha ningkara klin daukbia bara sunu takbia.

Libait Lâka 11:32 ပူးပေါင်းရင်းမြစ်များ

Libait Lâka 11:31

“Baha daiwan nani ailal ba tila wina, baha nani ba tâski pali kulkaia sa. Ya baha pruan wîna ba kangbia kaka, tâski kulkan kabia tihmia kat.

Libait Lâka 14:46

Prîs mita wih baha watla prakan kabia ba watla ra dimbia kaka, tâski kulkan kabia ban tihmia kat.

Libait Lâka 15:12

“Baha uplika sumi ra kangbia kaka, sumika ba baikan kabia; sumika ba dus ni paskan kaka lika, sikbi sâkbia.

Libait Lâka 15:15

Bara prîs ba baha bribia, bara butku kum ba saurka mana sakripaiska daukbia; butku wala ba aiska angkbia, waitnika tâski ba klin takaia sakripaiska, baha sut Dawan kaiki ba pliska ra daukbia.

Libait Lâka 16:26

baha guts Azazel ra bri si lanhkaia wan uplika ba sin, witin bal ai kwalka tuskbia, ai taya sin sikbi sâkbia, bara baha ningkara sip sa tawan ra dimaia.

Libait Lâka 17:15

“Israel uplika kum kra, tringsar nani ba kum kra daiwan pruan kan saki pibia kaka, daiwan wail mita ikan ba pibia kaka, witin ai kwalka ba tuskan kabia, witin sin aihtabi takbia bara ban tâski kulkan kabia tihmia kat. Ningkara sunu takan kabia.

Libait Lâka 22:6

Baha uplika ba tâski kulkan sa tihmia kat. Plun nani pat Dawan ra yan sunu ba wina pibia apia, witin ai mihta sikbi aihtabia ba kat.

Libait Lâka 6:28

Sumi dakawa ra prisantka yabi wînka ba yaban lukwan sa kaka, dakawa ba baikaia sa. Sakuna bras dakawa ra yaban lukwan sa kaka, dakawa bîla ba wisbi sikbi klin daukbia.

Kulki Kaikanka 19:15

Lî watla nani sut ba pura prakras sa kaka, apia kaka pura bika ba pain prakras kan kaka, baha laya ba sut tâski kulkan kabia.

Kulki Kaikanka 19:7

Baha ningkara prîs ba ai kwalka nani tuski aihtabi takbia, bara baha daukbia ningkara ai watla ra wabia, sakuna lâ ba kat, tâski kulkan kabia ban tutni ba kat.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.