Kolosi 4:6 - DAWAN BÎLA AISKA

⁶ Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.

Kolosi 4:6 ပူးပေါင်းရင်းမြစ်များ

1 Kronikas 16:24

Aisas ai prana ba dukiara, witin aihka ba tânka nani ba dukiara sin, upla nani sut mawanra, bara kiamka wala nani mawanra sin.

Lawana Nani 105:2

Lawana nani aiwani, witin ra mayuns. ¡Diara tara nani daukan ba dukia aisas!

Lawana Nani 119:13

Yang bui upla nani ra wimni, man bîlam ni aisi daukram lâka nani dahra ba.

Lawana Nani 119:46

Bara man lâmka bîla nani ba, king nani mawanra aisamni bara yang swiri brimna apia.

Lawana Nani 45:2

Man waitna kau painkira sma, waitna wala nani ba wal. ¡Man unam aisisma ba, wan kupia aihka sakisa! Baha mita Dawan bui man ra yamni mai munbia ban kaia ra.

Lawana Nani 66:16

¡Man nani sut nâra bali banhs, man nani sut Gâd ra sibrin lukisma ba! ¡Man nani ai wals, mai wiaisna Gâd maita dîa daukan ba!

Sins Lâka 10:21

Upla kasakkira nani aisanka mita upla ailal yamni smalkisa, taniskira nani ba sins yamni luha ba tâka mita pruisa.

Sins Lâka 15:4

Latwan luki wan twisa tawa aisi ba, raya kaia dusa sa, kuna warha aisi kaka, upla spiritka sauhkisa.

Sins Lâka 15:7

Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

Smasmalkra 10:12

Sinskira bîla aisanka nani ba, upla pain walisa, sakuna sinskas aisanka ba ai wîna ra sauhkisa:

Isikiel 43:24

bara yang ra aikma. Prîs nani ba sâl wal yûkbia bara angkbia, sakripais baku yang ra ai kulkan lâka ra.

Libait Lâka 2:13

“Sakuna barli mâ sâtka nani prisantka brih aulma ba ra, sâl mangki kaia sma, plun mâ sâtka nani prisantka dauki brih aulma ba ra sâl mangki bas, Gâd lâ daukan sâlka ba mangkras lika bri balpara. Prisantka kumi bani ba, sâl mangkan kaia sa.

Matiu 5:13

“Man nani sika naha tasbaya sâlka sma. Sakuna sâl ba ai damnika tikbia kaka, ¿nahki kli damni takbia? Baha ba bahki takan sa, lulkaia upla mita ai mina ni taibia baman lika.

Mark 9:50

Saúl ba pain sa, sakuna ai damnika tikbia kaka, ¿nahki man nani kli yamni daukma? Man nani wînam ra sâl bri bas, bara pana pana uplikam wal kupia kumi lâka ra iwi bas.

Luk 4:22

Upla nani bahara kan ba sut, Jisas dukiara pain baman aisin, tâ sin iwan kan, bîla painkira nani witin nani ra aisin ba dukiara. Pana pana sin makabi wali kan: —¿Naha apia Josep luhpia ba?

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Kli Smalkanka 11:19

Baha nani dukiara luhpiam nani ra aisi smalki bas, wamtla ra kama, yabal ra kama sin, bara aitnikisma piua ra, krikrikam wina kli buisma piua ra sin.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

1 Pita 3:15

kuna kupiam nani ra Kraist ra Dawan kulki bas. Piu sut ridi bas, man nani diara bîla kaikanka brisma ba, ya ya mita tânka ba mamkabi walbia kaka, klir pali saki wiaia; sakuna baha ba bawikira bara kulkan lâka dauki bas.