Kolosi 4:2 - DAWAN BÎLA AISKA

² Piua bani puram suni ban bas, aihwaki Gâd ra tingki wi bas.

Kolosi 4:2 ပူးပေါင်းရင်းမြစ်များ

Job 15:4

Sakuna man lika Gâd ra mayunaia lâka ba âpu daukisma, diara kasak daukaia kan sin sauhki tikisma.

Lawana Nani 109:4

Laitwanka lâka ba watlika ra, maipara ni buisa; sakuna yang lika puri sunisna.

Matiu 26:41

Aihwaki puram suni bas, traika kaikan ra kauhmara sîa. Kasak pali, spiritkam ba wilin sa, sakuna wînam ba lika swapni sa.

Mark 13:33

“Baha mita, man nani aihwaki, bîla kaiki bas, kan man nani kaikras sma ahkia piua ba aimakbia sapa.

Luk 18:1

Jisas naha maprika lilka na aisin, baha nani ra marikaia dukiara nahki swapras kira ai pura sunaia ba.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Apastil Nani Sturka 1:14

Piua bani witin nani sut, Jisas muihnika nani aikuki asla taki kan ai pura sunaia. Witin nani ai tilara Jisas yaptika Meri bara mairin wala nani sin bâra kata.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Kolosi 2:7

witinka ra wamkia nani karna dauki brih, witinka kat spirit karnika mita nikras kira bapi bûi bas, dîa mai smalkan ba baku, piua bani Gâd ra tingki wi bas.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Samuil 1:12

Ana ba baku yari pali Dawan ra ai pura suni kan ba ra, Elí lika ai bîla kat aman kaiki kan;

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.