Kolosi 3:25 - DAWAN BÎLA AISKA

²⁵ Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

Kolosi 3:25 ပူးပေါင်းရင်းမြစ်များ

2 Samuil 14:14

Diara kum rait sa yawan sut na pruaia; yawan na lî tasba ra laiwi ba baku sa, baha sut sip alki briras. Ban sakuna, Dawan bui upla rayaka ba bri sakras, sakuna natka nani mangkisa, plapi ba kau laihura waia apia.

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Job 37:24

Baha mita upla nani mita witin ra sibrin brisa, sinskira nani ba witin ai mapa ra diara apia sa.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Luk 20:21

Baha mita witin nani naha makabi walanka na makabi wali banhwan: —Smasmalkra, yang nani kaikisna man dîa aisi smalkisma ba kasak sa, bara man upla mawan ba sin kulkras sma, sakuna diara kasak ba bara Gâd yabalka tânka ba kat smalkisma.

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Roman 2:11

Kan Gâd ba upla mawanka kulkaia lâka âpu sa, sut ba sim sât kulkisa;

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Epesus 6:8

Bamna man nani lika pat kaiki banhwisma kumi bani, alba apia ba sut, Dawan wina ai mana yabia dîa yamni daukan ba kat.

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kolosi 4:1

Bamna man nani, alba dawanka nani, albikam nani ra diara yaia sma ba, pain bara kasakka lâka ra yas. Man nani sin kasbrika purara Dawankam brisma ba dukiara, kupiam krauki bas.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

Pilimon 1:18

Mampara diara saura daukan, apia kaka man wal tras diman sa kaka, baha ba yang ra ai kulks.

Hibru Nani 2:2

Piu wala nani ra insal nani bîla aisin tânka ba kasak pali marikan kata, bara ani uplika nani saura dauki baha bîla ba kat wali daukras kan ba, witin nani dîa klalka briaia kan ba kat bri banhwan.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.