Kolosi 3:19 - DAWAN BÎLA AISKA

¹⁹ Marit waitna nani, mayam mairin nani ra latwan kaiki bas, bara witin nani mapara lâ karna mangkpara.

Kolosi 3:19 ပူးပေါင်းရင်းမြစ်များ

Blasi Sturka 24:67

Baha ningkara Aisak bui Rebeca brih wan ai yaptika Sara tintka watla ra, bara witin wal ai maya takan. Aisak Rebeca latwan pali kaikan bara witin ai yaptika pruan kan sakuna, baku ai maisa nihkra ba brin.

Smasmalkra 9:9

Rayakam ra lilia bri bas, baha mairka latwan kaikisma ba wal, wan nakra klipan baku, yu bani ba naha rayaka tânka âpu, Gâd mita naha tasba ra maikan ba baha baman man sâkma wark kasak takma ba wal, naha tasbaya ra.

Luk 14:26

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

Roman 3:14

Ai bîla ba watawi bara tahpla lâka ni banhki sa.

Epesus 4:31

Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

Epesus 5:25

Maya waitna nani, mayam mairin ra latwan kaiki kaia sma, sim Kraist mita serts ra latwan kaiki baha pura mata ai rayaka pât mihta ra mangkan ba baku.

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.

Kolosi 3:21

Aisa nani, yarka luhpiam nani ai kupia baikbiara, witin nani ba ai karnikas baku lukaia apia ba mata.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

1 Pita 3:7

Man nani, maya waitna nani sin, mayam mairin nani wal diara tânka briaia kat iwi bas. Witin nani ra kulkanka yabi bas, mairin ba kau swapni ba mita baman lika apia, sakuna Gâd ai kupia painka ra, witin nani ra sin pramis daukan rayaka yabaia man nani ra baku. Baku dauki bas bara diara kumi sin puram sunra ba takaskbia apia.