Kolosi 3:17 - DAWAN BÎLA AISKA

¹⁷ Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Kolosi 3:17 ပူးပေါင်းရင်းမြစ်များ

1 King Nani 18:32

Walpa nani ba wal Dawan nina ra altar kumi paskan, baha ningkara altar tnaya kir ba lî plapaika salhkan, batil kwarika ba sât yawanaiska kumi pura matawalsip alkaia pitka praiska kat.

Sins Lâka 3:6

Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Apastil Nani Sturka 19:17

Baha sut Epesus ra iwi nani kan ba walan, Ju nani, Ju apia nani sin, bara witin nani sibrin pali takan, bara Dawan Jisas nina ba tara pali mayunan.

Apastil Nani Sturka 4:30

Man mihtam karnika ni siknis nani rakbia, bara sain aihka nani sin daukbia, man Luhpiam holikira Jisas nina ra.”

Roman 1:8

Tâura Jisas Kraist bâk yang Gâdki ra man nani sut dukiamra tingki wisni, kan tasba aiska ra man nani kasak lukankam lâka ba aisisa.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 5:20

Piua bani diara sut dukiara, Gâd Aisa ra tingki wi bas, wan Dawan Jisas Kraist nina ra.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 2:11

Bara upla param pali aisabia, Jisas Kraist ba Dawan sa, Gâd Aisa ra kulkanka yabaia dukiara.

Kolosi 1:12

Bara liliakira Aisa ra tingki wis, kan Gâd king aimaki tasbaya ingnikira ra ai uplika nani mata diara nani ridi daukan ba tilara, man nani sut dukiam sin bahara sa bamna.

Kolosi 2:7

witinka ra wamkia nani karna dauki brih, witinka kat spirit karnika mita nikras kira bapi bûi bas, dîa mai smalkan ba baku, piua bani Gâd ra tingki wi bas.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

Kolosi 3:23

Dîa dîa man nani daukisma ba ra wilinkira dauki bas, Dawan warkka daukisma baku, upla nani warkka daukisma baku lika apia.

1 Tesalonaika 1:1

Yang Pal, Silvano bara Timoti aikuki Tesalonaika tawanka sertska ra wan muihni nani bâra ba, naha wauhkataya na ulbisna, witinka nani Gâd Aisa wal asla ba bara Dawan Jisas Kraist wal sin. Gâd ai yamnika bara ai kupia kumi lâka man nani puramra laikbia.

1 Tesalonaika 5:18

Diara sut dukiara Gâd ra tingki wi bas, kan naha sika Gâd mita man nani wina want ba, Kraist Jisas ra kasak lukisma bamna.

2 Tesalonaika 2:17

kupiam nani tâ baikbia bara karna sin mai daukbia, diara yamni baman aisama bara daukma dukiara sin.

Hibru Nani 1:5

Bamna Gâd ba piu kumi sin ai insalka nani tila ba wina kumi ra naku wiras kata: “Man ba yang Luhpi sma, naiwa na, man Aisikam takri sa.” Baku sin, insal kumi dukiara sin naku aisaras kata: “Yang ba witin Aisika kamna, bara witin ba lika yang luhpia kabia.”

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Jan 2:23

Luhpia ra kulkras uplika nani sut ba, Aisa ra sin kulkras sa; sakuna ya Luhpia ra kulki ba, Aisa ra sin kulkisa.

1 Jan 3:18

Luhpi lupia nani, wan latwanka lâka ba lika wan bîla ni aisi ba baman kaia apia sa, sakuna latwan lâka kasak pali ba sika, upla ra diara kum dauki mariki ba.