Kolosi 2:9 - DAWAN BÎLA AISKA

⁹ Bamna Gâd tânka aiska ba, Kraist upla takan ba mita wan marikisa,

Kolosi 2:9 ပူးပေါင်းရင်းမြစ်များ

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Luk 14:22

Naika kan, alba ba bila: ‘Dawan, man ai wiram ba kat pat daukri, sakuna kau plis bâra sa.’

Luk 3:22

bara Spirit Holikira ba latan kaikan butku baku witin purara bal iwan, bara bîla baikra kum kasbrika pura ba wina takan, naku win: —Man ba yang Luhpi laitwankira sma, bâk mai saki mai briri.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Jan 10:30

Yang na Aisa wal kumi pali sni.

Jan 10:38

Sakuna daukisna kaka, yang pali ra kasak lukras kama kra, kuna diara nani daukisna ba ra kasak luks, bara baku mika man nani kaiki kama, Aisa ba yang ra iwisa bara yang sin witin ra.

Jan 14:20

Baha piua kat man nani tânka brima, yang Aisiki wal asla pali sna ba, bara man nani lika yang wal asla, bara yang mita sin man nani wal asla pali sna.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Jan 2:21

Sakuna tempel dukiara Jisas aisi kan ba lika, witin ai wîna pali dukiara aisi kata.

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?

2 Korint 5:19

Baha tânka ba lika, Gâd lika Kraist bâk tasba ra iwi uplika nani ba witin wal kupia kumi daukuya, upla nani saurka ba kulkras pali; bara yang nani ra adar aikan sa naha kupia kumi lâka na tânka smalkaia.

Kolosi 1:19

Gâd brin dauki kan Kraist ra aiska dimi iwi kaia.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

1 Jan 5:7

Witnis nani ba yumhpa sa: