Kolosi 2:6 - DAWAN BÎLA AISKA

⁶ Baha mita, man nani nahki Dawan Jisas Kraist ra briram ba baku, witin ra asla taki iwi bas,

Kolosi 2:6 ပူးပေါင်းရင်းမြစ်များ

Aiseya 2:5

¡Jekob watla uplika, man nani bal, bara Dawan yabalka ingnika ra yawan wapi kap!

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Jan 13:20

Kasak pali mai wisna, ya yang blikri uplika ra bri ba, yang ra ai brisa; bamna ya yang ai bri ba, witinka ai blikan ba ra sin brisa.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 5:7

bamna yang nani lika kasak lukan lâka mita taukisna, wan nakra ni kaiki ba mita lika apia.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

1 Jan 2:6

Ani uplika witin ba Gâd wal asla sa wisa kaka, witin Jisas Kraist naha tasba ra kan ba baku iwaia sa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.