Kolosi 2:19 - DAWAN BÎLA AISKA

¹⁹ Witin nani lika lal pali Kraist ba wal asla apia sa; witinka mita sika wan dakaki, wan paki ba; bara wan wîna tara pîska bani asla dauki ba, Gâd ai kupia ra luki ba kat.

Kolosi 2:19 ပူးပေါင်းရင်းမြစ်များ

Luk 5:38

Baha mita, wain raya ba daiwan taya batilka raya ra mangkaia sa.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Roman 11:17

Bamna tila Ju nani ba lika, sim oliv dusa tnawa nani kan klaki saki, man oliv dusa tnawa wail katma ba, baha nani watlika ra mai mangkan sa. Baku sika wakia pali ba wina dukiam briram, bara oliv dusa rayaka pali ba ra sin.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 11:3

Sakuna yang want sna naha tânka na brima: upla bani lal ba lika Kraist, mairin lal ba ai maya waitna, bara Kraist lal ba Gâd sika.

1 Korint 3:6

saumuk ba yang mangkri, Apolos lî laikan, sakuna Gâd sika yan pâwan ba.

Epesus 1:22

Diara sut ba Kraist mina mununhtara mangkan sa, bara Kraist pali ba sin serts lal mangkan diara nani sut Dawanka baku.

Epesus 1:23

Bamna serts ba sika Kraist wîna tara, baha sika Kraist banhwanka; bamna Kraist pali mita sin diara nani sut ba banhki pali daukisa.

Epesus 2:21

Bamna Kraist baha playka ba purara utla ba ai pliska kat kat bapan, ban tawa tawa tempel holikira kum takisa, Dawan wal asla lâka ra.

Epesus 4:3

Trai kaiks, piua bani aikuki kumi kaia Spirit Holikira hilpka ra, kupia kumi lâka mita asla mai praki bamna.

Epesus 5:29

Bamna upla kumi sin âpu sa witin ai wîna ra misbara kaiki ba, sakuna witin plun dakakisa bara main sin kaikisa, bara Kraist mita serts ra dauki baku,

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 1:18

Baha sut purkara, Kraist ba wîna tara ba lal sa, baha sika serts ba. Witin sika naha wîna tara ra raya kaia lâka yabi ba; witin ba tâ pali wina ban bâra ba, Kraist ba pas pruan nani wina buan ba, baha mita diara nani sut tâura witin sa.

Kolosi 2:2

Aiklabisni baha nani sut ai kupia nani ra tâ baikanka bribia, aikuki asla latwan lâka ra kabia, bara diara tânka kaikaia kasak ba bribia, bara Gâd tânka yukukan ra ba bribia, baha sika Kraist witinka pali ba;

1 Tesalonaika 3:12

Bamna Dawan mita man nani kau pâwaia mai daukbia, bara pana pana walkam nani aikuki latwan lâka briaia bara upla sut wal aikuki sin, yang nani mita latwan mai kaikisna ba baku.

1 Tesalonaika 4:10

Bamna man nani piu bani baku daukisma, wan muihni nani Macedonia aiska ra iwi nani ba sut aikuki. Sakuna muihki nani, yang nani mita mamkabisni baha latwanka lâka brisma ba, kau dauki kama.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.