Kolosi 2:16 - DAWAN BÎLA AISKA

¹⁶ Bamna, upla kumi mita sin yarka lâmka aisi daukbiara, plun pisma, apia kaka diara disma ba dukiara, lilia yua nani kulkaia dukiara kra, kati raya, apia kaka ris yua nani sin dukiara.

Kolosi 2:16 ပူးပေါင်းရင်းမြစ်များ

2 King Nani 4:23

—¿Dîa muni naiwa witin ra kaikaia auma? —maya waitna makabi walan—. Naiwa sika kati raya apia, ris yua sin apia. —Baha lukpara —mairin ba win.

1 Kronikas 23:31

daiwan aiska angki Dawan ra yabi ba ra, kati raya yua liliaka daukaia yua ra, yua tara nani liliaka dauki ba ra bara ris yua nani ra. Baha piua bani Libait nani ba wina kulki saki bliki kan, witin nani sika piu bani Dawan warkka ba dauki kan.

2 Kronikas 31:3

Baha purkara king ba, witin dîa bri ba wina yan, titan bara tutni ra sakripais angkaia, ris yua ra, kati raya mayunra wala yua nani ra, sakripais angki daukaia, dîa Dawan lâka ra ulban ba kat.

Nihimaya 10:31

Baku sin upla sât wala nani diara wauhi atki ba dukia nani, piaia dukia nani ris briaia yua ra bri balbia kaka, yang nani diara kumi sin atkamna apia; baku sin 7 mani aimaki bani insla daukamna apia, tasba ba ris yaia dukiara; baku sin, yang nani pana aikuya wisi diara yabri traska ba, ban swih tiki banhwi kamna.

Nihimaya 10:33

Tempel ra brit kahbi swin kaia dukiara, plun prisantka yu bani brih balaia dukiara, yu bani daiwan aiska angki kaia, ris yua nani sakripaiska nani, kati raya yua liliaka sin dauki kaia, yu wala nani ra Dawan liliaka daukaia yua nani, bara prisantka wala nani sin dauki kaia, Israel saura dauki saurka ba pâtka ban swih tikaia sakripaiska nani daukaia, pura sunra nani sin, bara wan Gâdka tempelka ra dauki kaia lâka nani.

Nihimaya 8:9

Lâ aisi kaiki ba wali upla sut ini kan, Nihimaya wihta tara ba, prîs smasmalkra Esdras sin; bara Libait nani bui lâ tânka param saki aisi kan nani ba mita upla nani sut sari bri ini kan ba ra win baha yua ba holi kulkaia sa, Dawan ai Gâdka yua sa, bamna sari brih inbia apia.

Lawana Nani 42:4

Baha diara takan tânka nani ba luki kaikuna ba ra, kupi krawisa upla sut kira yang impaki auna kata ba, Gâd tempelka watla ra, lilia tara ailal wal, tingki manis pali sin; ¡kaiki lilia tara pali!

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Aiseya 1:13

Sakripais bahki nani kau yang ra bri balpara; kiasmika ba kau brin ai daukras. Kati raya yua, bara ris yua liliaka daukaia dukiara, man nani upla paiwisma ba, sakuna, yang sip kau ban kupi alki takaskras sna, baha uplika nani ai saurka dauki ba.

Isikiel 4:14

Bara yang bui witin ra wîri: “Sakuna, Dawan, yang rayaki aiska ra plun tâski nani piras katna. Aima kumi sin daiwan yakan pruan nani wîna piras katna, apia kaka daiwan wail nani mita ikan sin piras katna. Aima kumi sin wîna tâski nani pih kaikras sna.”

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Libait Lâka 16:31

Baha yua ba sunu kaiki plun piaia apia lâka ba daukaia baman kabia, ris yua sin.

Emus 8:5

Man nani lukisma: “¿Kati raya yua liliaka ba ahkia lubia ki, ningkara plawar mâ nani ba atkaia dukiara? ¿Yu matlalkahbi pura kumi wan ris yua ba ahkia lubia ki, ningkara plun auhbi swin ba saki mana tara bara paun ra kasak kunin muni impliki atkaia dukiara?

Kulki Kaikanka 10:10

Man nani lilia daukaia yua ra sin trumpit ba puhs, kati raya yua liliaka daukaia, daiwan aiska angkaia yua, Dawan wal kli uplika takaia yua. Bara baku yang bui man nani ra kupi krauki kamna. Yang sika man nani Dawan Gâdkam.”

Matiu 15:11

Upla bîlak dimi dukia ba lika witin ra tâski daukras. Sakuna, upla bîla wina taki ba baha sika witin ra tâski dauki ba.

Mark 7:19

Baha ba wan kupia ra dimras, sakuna wan biara ra lika, bara baha ningkara wan biara wina kli takisa. Jisas baku aisi marikan plun nani sut ba klin atia sa.

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Roman 14:10

¿Kuna man, dîa muni muihkam lâka aisi daukisma ki? ¿Dîa muni muihkam ba diara apia baku kulkisma? Yawan sut lika Kraist mawanra buaia sa, witin mita wan lâka aisi daukbia dukiara.

Galesha 4:10

Man nani lika kau naiwa kat tila yua nani, kati nani, piua nani bara mani nani sin kulkisma.

Kolosi 2:20

Man nani lika Kraist wal pruram, bara wan wîna brinka karnika nani ba mahka swiram sa. Ban kaka, ¿dîa muni kau lukras uplika nani lâka ra iwisma, bara adarka nani daukisma ba,

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

1 Samuil 20:18

Baha ningkara Janatan bui Debit ra win: —Yauhka sika kati raya yua liliaka daukaia, man iwaikam ba bîla baman kabia, sakuna bahara uya kaikbia apia.

1 Samuil 20:5

Debit pana win: —Wals, yauhka sika kati raya, liliaka daukaia yua, bahara king wal yang iwi plun piaia sna. Sakuna ai swis yang twi ra yukuwaia wamna, yahwanka tutni kat,