Kolosi 2:14 - DAWAN BÎLA AISKA

¹⁴ Tras kum wan mapara bâra kan ba, pât ra sin wan brih wi kan ba, Gâd mita aibapan. Baha traska ba sut pali âpu daukan, silak ra saban ba mita.

Kolosi 2:14 ပူးပေါင်းရင်းမြစ်များ

Nihimaya 4:5

Witin nani watawi lâka bara saurka lâka dauki ba diki sâkpara, man kaiki bas, kan tawan kutbanka kli mâki uplika nani bara witin nani mita mapara saura aisi banhwan bamna.”

Ester 3:12

Yua 13, kati pas manka ra, king suliarka nani ba paiwan; bara Amán adar yan ba ulban, tawan lalka bani ra bara wala nani ra sin blikan wan. Wihtka bani, tawan bani ai ulbanka natka kat, bara ai bîla aisi ba kat sin ulbi blikan; bara king Asuero ai nina bara king sîlka sin mangki blikan.

Ester 8:8

Bamna man nani wauhkataya kum ulbaia adar maikisni, yang nini ra, Ju nani hilpka dukiara, nahki ulbrika kau yamni kabia lukisma kaka baku uls. ¡Bara wauhkataya nani ba ra king sîlka ba sin mangki banhs! (Bara ani yua ra king nina ra bara sin king sîlka ba wal praki ulbanka kumi blikisa kaka, upla kumi sin baha ba lulkbia apia.)

Lawana Nani 51:1

Dawan, man lamtwanka lâka ba mita kupiam lukra swapnika ba mairiks; kupiam latwanka tara ba mita, pâtki ba diki sâks.

Lawana Nani 51:9

Saurki nani ba, namkra wina laihura sâks, bara watawanki nani sut ba wina sin diki ai sâks.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Aiseya 57:14

Baha ningkara aisanka kum walma: “Man nani yabal ba langni dauks, langni dauks; pahbi sâks wan mina prukaika nani ba, yang upliki nani ba yabalka bâk lubia.”

Kulki Kaikanka 5:23

“Bara prîs ba naha aisin na lahtubanka nani ba wauhtaya kumi ra ulbia, bara lî tahpla ba ni ulbanka ba sikbi sâkbia.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Kolosi 2:20

Man nani lika Kraist wal pruram, bara wan wîna brinka karnika nani ba mahka swiram sa. Ban kaka, ¿dîa muni kau lukras uplika nani lâka ra iwisma, bara adarka nani daukisma ba,

2 Tesalonaika 2:7

Baku bamna, saurka dahra yukukan ra ba, pat yabal ra sa; sakuna bîla kaikisa baha alki takaski bri ba tila wina sâkbia ba.

Hibru Nani 7:18

Baku bamna, lâ bîla almuk kata ba tnaya ra laki swin sa, baha ba uya swapni bara upla ra sin hilp yaras kan ba mita.

Hibru Nani 8:13

Lâ raya kum dukiara aisisa ba ra, Gâd bui pas lâka kata ba almuk daukan sa; bara dîa dîa patitara wina bâra ba bara mahka almuk sin taki ba, naika mapa lap tiwbia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.