Kolosi 1:9 - DAWAN BÎLA AISKA

⁹ Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Kolosi 1:9 ပူးပေါင်းရင်းမြစ်များ

Lawana Nani 119:99

yang ai smalki uplika nani wal kanra tânka brisna, kan man lâmka nani dukiara kupi wal uya aisisni.

Lawana Nani 143:10

Ai smalks man kupiam lâka daukaia, kan man sika, yang Gâdki sma bamna. ¡Man Spiritkam yamni ba tâi bri wabia, yabal yamni kum bâk!

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Apastil Nani Sturka 12:5

Bamna Pita silak ra kan, aihwawakra nani mita sin pain aihwaki kaiki kan, sakuna serts uplika nani lika witin dukiara Dawan ra karna pali ai pura suni kata.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

1 Korint 1:5

Kan man nani lika Jisas wal asla sma ba mita, Gâd mita diara sut mapa ra yuyakira nani mai daukan sa, bîla nani aisisma ba mapa ra bara diara tânka nani kakaira sma ba mapa ra sin.

Epesus 1:8

Gâd ai latwanka lâka manis ba, tânka param wan marikan sins lâka bara diara tânka kaikaia lâka sin wanki ba mita,

Epesus 5:10

Bamna man nani trai kaiks, Dawan dîa brin dauki ba lan takaia.

Epesus 5:17

Man nani sins âpu baku kapara; sakuna Dawan kupia lâka ba dîa sapa tânka pain bris.

Epesus 6:6

Bamna dawankam nani dukia pain dauki bas, witin nani wal pain kaia wisi mai kaiki ba ra baman lika apia, sakuna Kraist napakanka nani baku, bara kupiam aiska kira dauki bas Gâd kupia lâka ba kat.

Pilipai 1:4

Puri sunisna ba ra sin, piu bani liliakira man nani sut dukiamra makabisna;

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Tesalonaika 5:17

Piu bani puram suni banhwi bas.

2 Tesalonaika 1:11

Naha mita sika man nani dukiamra, piu sut puri suni banhwisna. Yang nani Gâd ra makabisna, man nani ba aitani mai kulki mai bri kabia dukiara, kan witin mita mai paiwan bamna. Bara puri sin sunisna, brinkam pain nani sut ba bara kasak lukankam wal warkkam nani daukisma ba sut sin, Gâd mita ai karnika ni maikbia.

Pilimon 1:4

Muihki Pilimon ra puri sunisna bani, man dukiamra yang Gâdki ra tingki wisni,

Pilimon 1:6

Gâd ra makabisna man kasak lukankam tâka ba mita, tânka brima, Kraist wina yawan nani nahki yamnika nani sut brisa tânka.

Hibru Nani 10:36

Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Pita 2:15

Kan Gâd lika want sa, man nani diara yamni ba daukma, diara lan âpu nani bara sins âpu nani bîla prakaia dukiara.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

1 Jan 2:17

Bara tasba na ai brinka saura nani sut wal mahka lui auya; sakuna ya Gâd kupia lâka kat dauki ba, ban kaia ra raya ban iwisa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.