Kolosi 1:5 - DAWAN BÎLA AISKA

⁵ latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

Kolosi 1:5 ပူးပေါင်းရင်းမြစ်များ

Lawana Nani 31:19

¡Nahki tara sa, kupiam yamnika lâka ba baha nani man ra luki tniwi nani ba! Main kaiki apahki brisma diara manakira baku, upla nani sut mawanra man bui witin nani ba, pramna kulkanka baku diara yui yabisma.

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 13:26

“Muihki nani, Ebraham kiamka nani sma ba, bara Ju apia nani Gâd ra sibrin luki banhwisma ba sin: man nani sut dukiam sa naha swaki sakan lâka sturka na.

Apastil Nani Sturka 23:6

Bamna Pal kaikan, Ju lâka dadaukra wihtka tila nani ba sadiusi nani, bara wala nani ba parisi nani kan. Bara witin ai bîla baikra karna ni wini, aisin: —Muihki nani, yang na parisi sika, kan aisiki ba parisi kan bamna. Bara nahara lâ ra ai bri na lika, pruan nani kli raya bubia bîla kaikisna ba tâwan.

Apastil Nani Sturka 24:15

Bara witin nani na wal baku Gâd wina diara bîla kaikisni; pruan nani ba kli buaia sa, upla pain nani, upla saura nani sin.

Roman 10:8

¿Bamna, dîa pali aisisa ki?: “Gâd bîla ba man lamam pali kat sa, bîlam ra bara man kupiam kat sin.” Naha bîla na sika kasak lukan lâka yang nani smalkisna ba.

1 Korint 13:13

Diara yumhpa ban kaia ra bâra sa: kasak lukan lâka ba, wan kainara diara bîla kaikaia lâka ba, bara latwan lâka ba sin; sakuna yumhpika wina kau tara ba lika, latwan lâka.

1 Korint 15:19

Kraist bâk wan kainara diara briaia luki ba naha tasba ra raya iwi na dukiara baman sa kaka, yawan lika upla sut tila wina kau umpirkira nani ba sika.

2 Korint 5:19

Baha tânka ba lika, Gâd lika Kraist bâk tasba ra iwi uplika nani ba witin wal kupia kumi daukuya, upla nani saurka ba kulkras pali; bara yang nani ra adar aikan sa naha kupia kumi lâka na tânka smalkaia.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Galesha 2:14

Bara yang kaikri, baha nani lika swaki sakan lâka wan smalki ba tânka kat apia kan, bamna baha aidrubanka mawan kat Pita ra wîri: “Man lika Ju, kuna Ju apia nani tilara, Ju apia tânka kat iwi katma; ¿bara nahki Ju apia nani ra adar yabisma, Ju nani baku iwaia sa?”

Galesha 2:5

Sakuna wan nakra klipan kumi sin swiras katna baha nani mita wan brih waia, kan yang nani want kapri man nani swaki sakan lâka smalkanka kasak ban bri banhwi kama.

Galesha 5:5

Sakuna yawan pât wina pri wan sakan kaia ba lika spirit ba hilpka ra kasak lukaia ba hilpka ra, bîla kaikanka brisa.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Epesus 4:21

ban kra man nani bui witin ba dukiara aisin walram, bara witin mita sika praki mai smalkan, nahki Jisas ra baman kasak tânka ba bâra sa.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

1 Timoti 1:15

Naha aisanka na lika kasak pali sa, bara upla sut kasak lukaia sa: Kraist Jisas ba naha tasba ra balan upla saurakira nani swaki sakaia, bara yang sika baha nani sut tila wina kau saura kapri ba.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 7:19

Kan Moses lâka ba mita diara kumi sin sip aiska aihwa pali daukras kata. Bara nanara baha watlika ra, yawan diara bîla kaikaia lâka kau pain kum brisa, bara baha bâk yawan lika Gâd lamara aula.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

1 Pita 3:15

kuna kupiam nani ra Kraist ra Dawan kulki bas. Piu sut ridi bas, man nani diara bîla kaikanka brisma ba, ya ya mita tânka ba mamkabi walbia kaka, klir pali saki wiaia; sakuna baha ba bawikira bara kulkan lâka dauki bas.

2 Pita 1:12

Bahamna, yang baha diara nani ba dukiara man nani kupiam krauki ban kamna, naha sut na pat tânka brisma bara nanara sin man nani kasak bapi buisma lan mai daukan bamna.

1 Jan 3:3

Bara upla bani naha bîla kaikanka Kraist ra bri ba, witin ai wîna ba holikira sakisa, sim Kraist holikira ba baku.