Kolosi 1:23 - DAWAN BÎLA AISKA

²³ Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:23 ပူးပေါင်းရင်းမြစ်များ

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Inanka Nani 3:66

Dawan, man lawankam ba wal witin nani nina blîks, bara yas witin nani naha tasba mawan wina âpu takbia.

Isikiel 18:26

Kasakkira ba, yamni dauki ba swi si bara saura daukbia kaka prubia, ai daukanka saura ba tâwan.

Sofonías 1:6

Baha nani yang wina ilihwi taki ba, yang ra sin ai plikras hilpki sin makabras nani ba sut sauhki âpu tikamni.”

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 22:32

Sakuna yang bui man dukiamra puri sunri, kasak lukankam ba tiwaia apia. Man kli tawi balma ba ra, muihkam nani tâ baiks.

Luk 6:48

baha ba lika waitna kumi ai watla mâkan baku sa, witinka ai watla playa ba kasak pakni salhkan bara walpa purara bapan. Lisamra ba dingkan, lî ba baha watla ra karna prukan, sakuna sip batakras kan, ai watla playa ba walpa ra kasak bapan kata bamna.

Jan 15:6

Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

Apastil Nani Sturka 1:17

Judas sin wan daknika na tilara kulkan kata, baha purkara witin sin naha warkka na daukaia bri kan.

Apastil Nani Sturka 1:25

apastil warkka ra aimakaia, kan Judas lika baha warkka ba swi si tanis tiwan sa, witin waia kan pliska ra wan bamna.”

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 2:5

Baha yua nani ra, Gâd ra luki Ju nani kuntri wala ra kan ba Jerusalem ra wan, baku sin tasba aiska wina.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 26:16

Sakuna man bus, man ra yang balri ba lika, man bui yang warkki daukma bara witniski aisama ba dukiara, dîa dîa nanara yang tâinka kaikram na bara naika kaikma ba sin.

Apastil Nani Sturka 4:12

Upla wala bâk swaki wan sakan lâka briaia ba âpu sa, kan Gâd mita naha tasba ra nina wala kum mâki wankras sa, swaki wan sakaia ba dukiara.

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

1 Korint 3:5

Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Galesha 4:11

Yang uya si brisna, kan man nani tilamra wark takri ba bahki pali sa lukisna.

Galesha 5:5

Sakuna yawan pât wina pri wan sakan kaia ba lika spirit ba hilpka ra kasak lukaia ba hilpka ra, bîla kaikanka brisa.

Galesha 5:7

Man nani pain auma kata. Bamna, ¿ya mita mai munan diara kasak bîla wali kapram ba swiaia?

Galesha 6:9

Baha mita, yawan diara pain dauki swapaia apia sa; kan swapras kaka, piua pali ba kat yawan mana ba krikbia.

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 2:21

Bamna Kraist baha playka ba purara utla ba ai pliska kat kat bapan, ban tawa tawa tempel holikira kum takisa, Dawan wal asla lâka ra.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Epesus 4:16

Kraist ba mita wîna tara aiska asla pain sa; bamna wîna sirpika bani witin ra asla takan ba ra, sut ba pain wark takuya, bara wîna sirpika bani ba mahka latwan lâka ra pain pâwisa.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Kli Smalkanka 4:19

Bara kasbrika ra, lapta, kati, slilma nani, slilma tara nani kaikma piua ra baha nani ra mayuni traika kaikan ra kauhpara, kan Dawan Gâdkam paskan sa tasba aiska uplika nani sut dukia.

Kolosi 1:25

Yang lika nanara Gâd mita serts napakanka ai daukan sa, witin mita baha warkka daukamna wisi aikan bamna, man nani yamnikam dukiara, Gâd ai dahra smalkanka ba aiska smalkamna dukiara ai mangkan,

Kolosi 2:7

witinka ra wamkia nani karna dauki brih, witinka kat spirit karnika mita nikras kira bapi bûi bas, dîa mai smalkan ba baku, piua bani Gâd ra tingki wi bas.

1 Tesalonaika 3:3

upla kumi sin naha trabilka nani mita yarka ai ninara tawbiara sîa. Man nani sin pain kaikisma, yawan naha pâtka nani na wahwaia sa.

1 Tesalonaika 3:5

Baha mita sika, yang mita Timoti ba blikri balan. Yang kau baha trabilka wahwaia sip apia katna, baha mita yang bui witin ba blikri man nani kasak lukankam lâka tânka ba mamkabi walaia wisi. Kan yang sibri kapri dibil man nani ba saura lâka ra pat mai batakan sa wisi, baku sa kaka, wark dauki banhri ba sut bahki baman kaia kan bamna.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.

1 Timoti 2:7

Naha dukiara yang na bîla twatwilkra bara apastil baku ai mangkan sa, kasak lukan lâka bara kasak tânka ba sin, Ju apia nani ra aisi smalkamna wisi. Yang diara kasak ba kat aisisna, kunin aisaras.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Taitus 3:7

bara baku mika ai kupia yamnika ba mita, yawan na kasakkira wan kulkbia; bara baku sin raya ban kaia lâka wan kainara briaia ba, yawan bribia mata.

Hibru Nani 10:38

Sakuna yang upliki kasakkira ba lika, kasak luki raya iwi kabia, sakuna witin ai ninara tawbia kaka, witin dukiara lilia kamna apia.”

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.