Kolosi 1:20 - DAWAN BÎLA AISKA

²⁰ Bara Kraist ba mita, naha tasba aiska na, witin wal kupia kumi lâka daukaia, bamna Kraist dus prihni ra pruan ai tâlia laikan ba mita diara nani tasba ra ba, bara kasbrika purara ba sut kupia kumi daukan.

Kolosi 1:20 ပူးပေါင်းရင်းမြစ်များ

Libait Lâka 6:30

Sakuna upla saura daukan mana prisantka yabi sakripaiska daukaia daiwra nani bri balan ba tâlia tint watla bilara, Dawan wal aisi ba pliska ra bri balan ba, saurka nani ban swih tikaia tâski âpu kulkan watla ra dingkan ba, baha daiwra wîna ba upla kumi sin piaia apia sa. Baha sakripaiska ba pauta ra angkan kabia.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Apastil Nani Sturka 10:30

Bara Cornelio bila: —Pat yu walhwal sa, sim naha awarka baku kan, yang waitla na ra tutni 3 aklak pura sunra dauki kapri, waitna kumi kwala ingnikira dimi yang ra latan takan.

Roman 5:1

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Pilipai 2:10

bamna baku Jisas nina wali banhbia ba ra, kasbrika purara banhwi ba sut, tasba ra bara tasba mununhtara nani ba sut sin, ai lula kriki banhbia.

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.