Bahara witin nani Israel Gâdka ba kaikan, bara ai mina tani ra diara ingni kum bûi kan, sapair walpaya ni paski palkan baku kan, bara ingni kan kasbrika ingnika baku.
Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.
Jisas pana win: —Pilip, nahki piua wihka yang lika man nani wal sna, ¿bara kau ai kakaira apia sma ki? Ani uplika yang ai kaiki ba, Aisiki ra sin kaikisa; ¿bamna, dîa muni Aisa ba kaikaia makabisma?
Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.
“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.
Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.
Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.
Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.
Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.
Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.
Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.
Sakuna Gâd mita ai Luhpia kumi baman ba naha tasba ra mahka blikuya kan ba ra, witin naku aisan: “Gâd insalka nani sut ba, witin ai pura suni mayuni banhwaia sa.”
Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.
“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina: