Kli Smalkanka 9:9 - DAWAN BÎLA AISKA

⁹ Yang il ra ulri walpa tanta ba briaia, lâ walpa tanhta ra man nani wal Dawan aisi daukan ba. Bara yang bahara kakna 40 bara tihmia 40 takaskri, plun piras, lî sin diras.

Kli Smalkanka 9:9 ပူးပေါင်းရင်းမြစ်များ

1 King Nani 19:8

Bara Ilayas plun ba pin bara sin din. Bara baha pata ba ai karnika yaban mahka yu 40 bara 40 tihmia wapan, Dawan ilka Horeb ba kat.

2 King Nani 6:22

Sakuna Ilaidsa win: —Apia, ikpara. ¿Man mita witin nani ba iki tikma ki, sordkam bara pantamangka brisma ba ni, witin nani alki bri balram nani ba? Witin nani mawanra lî bara brit wal kahs witin nani piaia bara dibia sin, bara baku sip kabia kli ai dawanka ra tawi waia.

Impakan Sturka 24:12

Dawan mita Moses ra win: —Il ra uli bal, yang nâra sna na kat, bara bîli kaiki bas, yang bui man ra walpa tanhta wâl maikaisna, bahara lâ nani ba ulbi maikamna, Israel luhpia nani ra smalkaia dukiara.

Impakan Sturka 24:15

Baha aisin ningkara Moses lika il ra uli wan, bara kasbrika mita bikan.

Impakan Sturka 24:18

Moses kasbrika tila bâk dimi, il ra uli wan, bara witin bahara takaskan kakna yawanaiska wâl bara tihmia yawanaiska wâl sin.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Impakan Sturka 32:1

Bamna Israel luhpia nani kaikan, Moses il ra wan ba balras ban lap tiwan, bara witin nani Eran ra bal asla taki, naku win: —Man mahka bûi gâd nani paski aik, bara witin nani mita wan tâ brih impakbia; kan Moses, witin Idsip tasbaya wina wan sakan waitnika ba, dîa takan sapa yang nani nu âpu.

Impakan Sturka 34:28

Bara Moses lika Dawan wal bahara yu yawanaiska wâl bara tihmia yawanaiska wâl takaskan, witin plun piras lî sin diras kan. Bahara lâ daukan bîla nani ba walpa tanhta nani ra ulbi kan, lâ nani matawalsip ba.

Matiu 4:2

Witin bahara kakna 40 bara tihmia sin 40 plun piras kan, bara plun dauki kan.

Galesha 4:24

Naha na lika tânka tihu kum wan marikisa. Mairin wâl ba lika wan marikisa lâ wâl tânka. Naha lâka wâl wina kumi ba lika Sainai ilka ra yaban ba, bara baha ba lika Agar tânka wina wan marikisa; ya baha pramiska uplika sa kaka, aisubi takisa alba aimakaia dukiara.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.

Kli Smalkanka 9:11

Yu 40 bara tihmia 40 ba luan ba ra, Dawan baha walpa tanhta wâl ba aikan, upla wal lâ daukan lâka ba,

Kli Smalkanka 9:15

“Il wina bal iwri piua ra, baha lika klauhi kata ba, mihti ra bri aulna kapri lâ tatka walpaya wâl ba.

Kli Smalkanka 9:18

Baha ningkara Dawan mawanra luli krikri, piua wala dauki kapri ba baku, yu 40 bara tihmia 40 plun piras bara lî sin diras, man nani saura daukram tâwan, Dawan mapara bûi kupia sauhki banhram.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.