Kli Smalkanka 9:1 - DAWAN BÎLA AISKA

¹ “Israel luhpia nani, wali banhs: piua balan sa man nani Jordan ba lui waia, bara mahka man nani wal nisan kau tara, kau karna nani tawanka nani kutbanka purara ba pura lui tawanka ba bris;

Kli Smalkanka 9:1 ပူးပေါင်းရင်းမြစ်များ

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Impakan Sturka 32:1

Bamna Israel luhpia nani kaikan, Moses il ra wan ba balras ban lap tiwan, bara witin nani Eran ra bal asla taki, naku win: —Man mahka bûi gâd nani paski aik, bara witin nani mita wan tâ brih impakbia; kan Moses, witin Idsip tasbaya wina wan sakan waitnika ba, dîa takan sapa yang nani nu âpu.

Daniel 4:11

Bara dusa ba pâwi tara pali nuhwan, ai slaunhka ba kasbrika purara ba kat kangbi kan, sip kan baha ba kaikaia tasba tâ kum wina tâ wala kat.

Emus 2:9

Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Kulki Kaikanka 13:22

Négueb bâk lui wan ba wina, Hebrón kat aidrubi balan, bahara Anac kiamka nani bâra kan: Ahimán Sesai, Talmai. Hebrón tawanka ba pas paskan kan, 7 mani Soan Idsip ra paskan ba kainara.

Kulki Kaikanka 33:51

“Naha mai wisna na Israel luhpia nani ra wis: Man nani Jordan baila wala lui Kenan tasbaya ra dimma ba ra,

Kli Smalkanka 1:28

¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’

Kli Smalkanka 11:23

Dawan bui man nani mamwan wina baha nisanka sut saki lulkbia, bara man nani tawan kau tara karnakira ba dakbi brima.

Kli Smalkanka 11:31

Man nani ba Jordan luaia pat baila sma ba ra, Dawan Gâd mita kuntrika maikuya ba dakbi briaia. Dakbi brima piua ra bâra iwi kama,

Kli Smalkanka 27:2

Jordan lui Dawan Gâdkam bui tasba maikaia ba ra dimma piua ra, walpa tara wirâ brih, taya ba pihni ni dingks.

Kli Smalkanka 3:18

“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:38

Man nani mawan wina nisan kau ailal karnakira kan ba lulkan, nanara baku, tasbaya kuntrika aiska sut man nani dawanka kaia.

Kli Smalkanka 6:10

“Man nani Dawan Gâdkam mita almukkam nani, Ebraham, Aisak bara Jekob ra pramis muni yabaia win ba kuntrika ra dimma. Kuntri kum tawan tara pranakira nani brisa, man nani paskras kapram ba;

Kli Smalkanka 7:1

“Dawan man nani Gâdkam bui maikka dimi kuntrika ba ra pliskam brima, bara nisan 7 kau tara karnakira ba man nani taima bara mamwan wina saki lulkma: hitita nani, gergeseo nani, amorreo nani, Kenan uplika nani, ferezeo nani, heveo nani bara Jebús uplika nani.

Jasua 1:11

“Man nani kiamp nani sut ra was bara witin nani ra wis witin nani plun nani kwahki bri balbia bara ridi daukbia. Kan kau yu yumhpa lubia ba ningkara, yawan Jordan awala baila wala ra lui waia ridi takisa, baha tasbaya ba Dawan wan Gâdka ba mita yawan ra wankbia ba briaia, bamna tasbaya ba yawan wan dukia alki briaia sa.”

Jasua 1:15

Dawan mita muihkam nani ra ris briaia pliska kum yabia ba kat, man nani ra maikan ba baku, witin nani sin tasba dawanka nani takbia, Dawan bui witin nani ra yabaia kan ba. Baha ningkara man nani sip kama tasbayam nani ra kli tawi waia awala lalma tani ra, baha ba man nani tasbayam pali brima, Moses Gâd napakanka maikan ba.

Jasua 14:12

Baha mita mamkabisna, nanara aikma tasba il pîska tara nani ba, Dawan pramis ai munan ba kat. Man kaikisma Anac kiamka tara nani ba baha piua wina bahara iwisa, bara tawan tara nani ba brisa, karnika tara sin. Sakuna yang daira walisna Dawan bui yang ra tâi baiki hilp ai munbia baha wina kangbi sakaia, Dawan dîa ai win ba kat.”

Jasua 3:14

Israel luhpia nani ai tintka watla ba wina takan Jordan awala ba baila wala ra luaia dukiara, bara witin nani ai tâura prîs nani ba Dawan lâka auhbaia watla ba brih wapan. Baha piua ba plun mâ nani dâkaia piua kan bamna, awala ba sin lisamra bri kan. Prîs nani ba nan ai mina liura buskan ba ra lî kla wina aubi kan ba ip takaskan, lî ba plapi ban ai klaura Adam kat uli wan Saretán tawan tara karnakira ba lama kat. Awala mâya tani ra lî ba lâwan, ban Kabu Pruan bâk wih lap tiwan. Baku Jordan awala laya ba aihka aihka baiki sakan kan, bara Israel luhpia nani ba bal lui Jeriko tawanka tara ba brin.

Jasua 3:6

Witin prîs nani ra sin win: Dawan lâka watla ba, man nani twilki upla nani tâura awala ba lui was.” Bara prîs nani ba Dawan lâka auhbi watla ba twilki, upla nani tâura lui wan.

Jasua 4:19

Israel luhpia nani ba Jordan wina takan kati pas lapta yua matawalsip ba ra, Jordan awala ba lui Guilgal Jeriko lama kat ai tintka watla bapan.

Jasua 4:5

bara win: “Man nani was Jordan awala lilara Dawan lâka auhbaia watla mawan ba kat, witin lika man nani Gâdkam ba, bara baha wina man nani kumi bani walpa kum pamhpaya ra twilki bal, Israel kiamka kumi bani kulkanka walpa kum, bamna asla sut ba ra walpa 12 kabia.