Kli Smalkanka 8:8 - DAWAN BÎLA AISKA

⁸ baha tasbaya ra lika plawar, barli mâ, wain nasla, kwah damni dusa, drap, oliv nasma laya sin bâra sa.

Kli Smalkanka 8:8 ပူးပေါင်းရင်းမြစ်များ

Blasi Sturka 49:11

Witin ulaia daiwra lupia ba wain kiwka nani ra wilki swisa, witin ai prâka nani ba sin, wain laya ra tuskisa, wain laya pali ba ni.

2 Samuil 4:6

Albika mairin watla durka main kaiki kan ba sin, plawar mâ klin dauki kan ba, witin sin yapi kan bara baku Recab ai muihni Baaná wal upla witin nani ra kaikras kan utla ba ra dimaia sip kan.

1 King Nani 5:11

Salaman bui Hiram ra yabi kan ai uplika nani dakakaia, plawar mâ baril 4,400,000 yan, bara batana laya oliv wina daukan 4,400, naku yabi kan Salaman bui Hiram ra mani bani.

2 King Nani 18:32

Ningkara yang bal muni, tasba kum maikamna, mani tasbayam na sâtka bara bahara mai brih wamna; plawar mâ nani bara sin wain nani tasbaya sa, brit bara wain nasla sa sin, batana laya bara batana dusa wal tasbaya sa, bara sin nasma tasbaya sa, bahara iwi kama bara sip sin pruma apia. Ezequías bîla walpara, kan witin sika kunin man mai munisa, Dawan swaki wan sâkbia bîla ba mai wisa.

Lawana Nani 81:16

Bara Gâd ai uplika nani ra plawar mâ kau pain ba wal dakakaia kan, bara nasma wail ba wal ai diranka daskaia kapri.

Aiseya 7:23

Baha piua ra sin wain nasla kum wain dusa 1,000 mangkan ba, ai mana ba silbar mâ 1,000 kulki kan ba, nanara kiaya bara rahra wal pâwi kabia.

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 5:17

Namsla dâkisma patam mâ ba witin nani pibia, luhpiam waitna nani luhpiam mairin nani ba sin pih âpu daukbia. Sîpkam nani ba, bîpkam nani ba, wain nasla nani, kwah damni dusa nani brisma ba pibia. Aiklabaia dukia nani bri ba ni tawankam karna nani kutbanka ba bahara kasak lukisma ba sut sauhki tikbia.”

Isikiel 27:17

Baku sin man wina atki kata, Juda bara Israel luhpia nani; bara mai aibapi kan, mint, plawar mâ, nasma, pastil, batana bara yukaia saika nani ni.

Oseas 2:22

bara tasba bui plawar mâ, wain mâ ra bara batana laya ra aisabia; bara witin nani tawi Jezreel ra aisabia.

Oseas 2:8

“Sakuna witin aisaras kan yang wina plawar, wain, batana laya yabi kapri; yang sika silbar, gul ailal yabi kapri ba, witin baha brih, ai gâdka bahki nani lilka paski kan ba.

Miqueas 4:4

Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!

Abakuk 3:17

Kwah damni dusa ba ai mâ sakras kabia kra, wain dusa nani ba, oliv dusa nani ba sin ai mâ sakras kabia kra, insla nani ba sin mâ sakras kabia kra, sîp daknika nani ba sin sut âpu takbia kra, sîp watla nani ra sîp âpu kra kabia sin,

Kulki Kaikanka 13:23

Baha wina witin nani Escol tingnika kat aidrubi wan, baha wina wain kiwka kum klaki brin mâ nani ba kira, bara dus kum ra pami mangki wâlsut twilki aidrubi balan, bara drap nani, kwah damni nani sin wahbi brih wan.

Jan 6:13

Wahbi banhwan ba ra, upla nani barli mâ britka matsip pin yuyaka nani ba 12 baskit wahban kata.

Jan 6:9

—Nahara lika tuktan waitna lupia kum, barli mâ britka matsip brisa bara inska sin wâl; sakuna, ¿baha ba dîa sa ki naha upla ailal na mapara?

Kli Smalkanka 32:13

Pura lui il tasbaya kuntrika nani bâk mai brih wan. Insla pata mâ nani mai dakakan, walpa wina nasma maikan diram, walpa karna ba wina batana laya maikan;

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.

Kli Smalkanka 6:3

Baku bamna, Israel luhpia nani, trai kaiks bara baku lika yamni wama bara upla ailal takma, baha tasbaya nasma bara tialka laya lî baku aubi ba, almukkam nani ra Dawan Gâdkam pramis munan ba.

Kli Smalkanka 8:7

Kan Dawan tasba disang ra mai bri waisa, tingni, lî kârma aubra nani, il nani langnika nani kuntrika ra;

Kli Smalkanka 8:9

Baha kuntrika ra man nani plun dukiara trabil taki lukaia apia kama, diara wala dukiara sin apia. Baha walpaya nani ra ayan sâkma, ilka nani ra bras sâkma.