Kli Smalkanka 7:9 - DAWAN BÎLA AISKA

⁹ Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

Kli Smalkanka 7:9 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 9:15

bara yang lâika daukri ba kupi kraukamni, man nani wal bara daiwan nani tasba ra ba wal sin. Kli lisamra tara laya nani ba balbia apia, baha nani sut sauhki tiki ba.

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

1 Kronikas 16:15

Kiamka tausin nani lui wabia kra, dîa witin aisin ba ai âuya tikbia apia,

2 Kronikas 6:14

bara makaban: “Dawan, Israel Gâdka, man baku Gâd wala âpu sa kasbrika purara, baku sin naha tasba mâyara sin apia, man alki brisma ba wal lâ daukan lâka bara kupia yamni lâka sut albikam nani ra, baha nani ai kupia aiska kira man dukiam dauki nani ra.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Lawana Nani 103:18

witin wal daukan lâka ba ban kulki bri kabia dukiara, bara ai lâka bîla nani wali daukaia ba ai âuya tiwbia apia dukiara.

Lawana Nani 105:8

Kiamka tausin lui wabia kra, dîa pramis daukan lâka ba, ai âuya tikbia apia;

Lawana Nani 119:75

Dawan, yang kaikisni, baha lâ nani man aisi daukram ba kasakka lâka sa, bara kasak sa, yang sari brisna ba ra.

Lawana Nani 146:6

Witin kasbrika pura, tasba, bara kabu sin paskan ba, diara nani sut bâra ba, witin ai bîla ba alki brisa.

Lawana Nani 36:6

Dawan, man kasakkam ba il tarka tara nani bâra ba baku tara sa; lâmka nani daukisma ba kabu tara tihuka ba baku sa. Dawan, upla nani, daiwan nani sut bâra ba, man mita main kaikisma.

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Inanka Nani 3:23

Titan bani kli raya takisa; ¡nahki tara sa ai kasakka lukanka ba!

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Kulki Kaikanka 14:18

Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

1 Korint 1:9

Gâd lika ai pramiska nani dauki ba kat kasak sa, bara witin sika man nani ra mai paiwan ba, ai Luhpia Jisas Kraist wan Dawan ba wal aikuki asla iwaia.

1 Korint 10:3

Baku sin sut spirit pata ba pin,

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 1:18

Bamna Gâd lika witnis sa, yang nani bui man nani ra mai wiras sna “daukamni” bara “daukamna apia.”

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Kli Smalkanka 5:10

sakuna baha nani latwan ai kaiki, lâ yabri ba kat dauki nani ba, kiamka tausin nani ra latwan kaikisna.

1 Tesalonaika 5:24

Witinka mita man nani mai paiwan ba, kasakkira sa, bara naha sut witin mita daukbia.

2 Tesalonaika 3:3

Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia.

2 Timoti 2:13

Yawan na kasak apia sa kaka, witin lika ban kasak sa, kan Gâd ai tânka ra sip apia wiras.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 10:23

Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia.

Hibru Nani 11:11

Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

Wihta Nani 2:1

Dawan insalka ba Guilgal wina Boquim ra wan, bara Israel luhpia nani ra win: “Yang lika Idsip wina man nani mai sakri, bara naha tasbaya kat mai bri balri, man nani damikam nani ra yabaia pramis munri ba. Bara witin nani ra wîri: ‘Man nani wal yang lâika daukri ba, yang kli bîli wala lakamna apia,

Wihta Nani 5:31

“¡Dawan, man waihlam nani sut ba, yarka baku sauhki tikan kabia, bara baha nani latwan mai kaiki nani ba, yu lapta ai karnika aiska ingwi ba baku ingwi kabia!” Baha ningkara witin nani mani 40 kupia kumi bara lamni lâka ra iwi kan.