Kli Smalkanka 7:2 - DAWAN BÎLA AISKA

² Dawan Gâdkam mita naha nisan nani ba mana ni mihtam ra mangkbia bara man nani pura lui sauhki tikma ba ra, witin nani wal lâ daukpara, umpira sin kaikpara.

Kli Smalkanka 7:2 ပူးပေါင်းရင်းမြစ်များ

Blasi Sturka 14:20

Bara Gâd Laih Purara iwi ba nina ba mayunan kabia, witin mita sip mai daukan waihlam nani pura luram ba.” Bara Ebram witin diara nani sut dakbi brin ba wina, matawalsip wina kumi saki baha mana Melkisedek ra yaban.

2 Samuil 21:2

Debit bui Gabaón uplika nani ba paiwi aikuki aisin. (Witin nani ba Israel luhpia nani apia kan, amorreo nani dakni sirpi lupia kum takaskan kata, Israel luhpia nani witin nani ra swer takan kaina kahbaia. Baha nani ra sika Saúl bui Israel bara Juda wal tâwan lawi, iki âpu daukaia munan.)

1 King Nani 20:34

Bara Ben-hadad mita win: —Papiki mita tasbayam dakbi brin ba, yang bui kli maikamni; bara man kli Damaskus ra bisnis daukaia sip sma, yang papiki Sameria ra bri kata ba baku. —Yang wina lika, yang pramis takisna mai swiaia man mahka waia —Ahab baku win. Baku natka ra, Ahab Benadad wal lâ kum daukan witin ba swika waia.

Esdras 10:3

Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat.

Lawana Nani 106:34

Witin nani baha uplika nani ra sauhki tikras kan, Dawan bui adar yaban kan ba sauhki tikaia.

Impakan Sturka 22:20

“Dawan ra baman sakripais dauki yaia kata ba watlika ra, upla kum mita gâd wala nani ra sakripais dauki yabia kaka, witin ba lâka dauki ikan kaia sa.

Kulki Kaikanka 21:2

Bara Israel luhpia nani Dawan ra ai pura sunan ai tâ baiki baha kuntrika ba yaka pura lubia kaka, witin nani aiklabi kuntrika ba sut âpu pali daukaia.

Kulki Kaikanka 31:17

Bamna na minit luhpia waitna nani bara mairin kau waitna tânka kaikras nani ba sut iks,

Kulki Kaikanka 33:52

upla nani bahara iwi ba sut kangs taki wabia. Lilka nani walpa ni, bras ni paski bapi bri ba sut sauhki tiks, ani ani pliska ra kabia, kiuhsi nani ra ai gâdka mayuni ba sut bataks.

Kli Smalkanka 13:8

brinka nani ra dimi, aiblakwi bîla walpara; witin ra umpira kaiki, latwan luki ai dahra sin yukukpara;

Kli Smalkanka 13:9

sakuna witin ba iks. Man pas mihtam buks witin ba ikaia, baha ningkara upla sut ai mihta bukbia.

Kli Smalkanka 19:13

Kupiam ra umpira lukpara, bara baku lika Israel ra tala pâtkas laikbia apia. Baha mita diara sut ba pain kabia.

Kli Smalkanka 2:33

Sakuna Dawan wan Gâdka mita wan mihta ra mangkan bara yang nani mita pura luri, ai luhpia nani bara ai suliarka nani ra sin.

Kli Smalkanka 2:34

Tawanka tara nani sut yang nani karniki munhtara kauhan, bara dîa witin nani ra takaia kan ba yang nani yabri. Waitna nani, mairin nani, tuktan nani sut iki banhri, upla raya kumi sin swiras.

Kli Smalkanka 23:14

Kan Dawan Gâdkam ba kiampkam ra man nani tilamra taukisa, main mai kaiki maikka waihlam nani pura luma dukiara. Baku bamna, man nani kiampkam ba holi kaia sa, Dawan Gâdkam nakra ra, baku apia kaka man nani tilamra kli taukbia apia.

Kli Smalkanka 25:12

man nani bui alki umpira kaikras kira mairka ba alki mihta ba klaki daks.

Kli Smalkanka 3:3

“Baku Dawan wan Gâd ba daukan, king Og ai suliarka aikuki wan mihta ra kauhaia ba, bara witin nani ba sut ikri, upla raya kumi sin swiras.

Kli Smalkanka 31:5

Bara Dawan mita naha nisanka nani na man nani mihtam ra mangkbia piua ra, yang dîa man nani ra mai wîri ba kat daukma.

Kli Smalkanka 33:27

Gâd ban kaia ba man yukuwaikam sa, ai karnika ban kaia ba man tâm baikbia, ai waihla nani ai mawan wina yan plapan bara man ra karnika maikan sauhki tikaia.

Kli Smalkanka 7:16

Dawan Gâdkam man nani mihtam ra mangkuya tawanka ba âpu daukma. umpira kaiki witin nani gâdka ra mayunpara, kan baha ba man nani âpu daukras kama kaka, man nani ra ni âpu mai daukbia.

Kli Smalkanka 9:3

“Nanara kaikaia sma, Dawan Gâdkam man nani mamwanra wapisa pauta ami sasauhkra kum baku, man nani mamwanra baha nisanka nani ra sauhkbia. Bara man nani mita nakra klipan kumi ra kangbi sâkma, Dawan baku pramis daukan.

Jasua 10:28

Baha sim yua, Jasua Maquedá tasbaya brin bara sut sauhki tikan, tawanka ra iwi kan nani sut ba sord napa malika ra ikan. Bara upla bani sin raya swiras, Maquedá kingka ra daukan, sim Jeriko ra daukan ba baku.

Jasua 10:30

Dawan ba baha tawanka ba bara kingka ba sin ai mihta ra mangkan, diara nani bâra kan ba âpu daukan, upla rayaka sin sut, Libná kingka ra bara Jeriko kingka ra munan ba baku munan.

Jasua 10:32

Yua wâl ra, Dawan ba Laquis Israel luhpia nani mihta ra mangkan, bara Libná kata baku, Israel luhpia nani mita sord ni uplika nani sut ikan, daiwra nani sut sin.

Jasua 10:40

Baku bamna, Jasua tasbaya pîs ra iwi kan nani ba sut pura luan, unta biara ra iwi kan kingka nani sut sin sauhki tikan, Négueb wina langni nani ra kan ba, bara il tnaya witni nani ra kan ba, sut sauhki tikan, sut sin iki tikan. Diara kumi sin takaskras, upla bani sin raya swiras kan, Israel Gâdka dîa win ba kat daukan.

Jasua 11:8

Bara Dawan ba Israel luhpia nani mihta ra yan pura luaia, baku ban rausauhki pura lui Sidón bara Misrefot-maim tawanka tara ba kat wan, bara lalma tani Mispá twiya kat upla kumi sin raya swiras kata.

Jasua 2:14

Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.

Jasua 21:44

Dawan ba ai pramiska kat daukan bara tasbaya iwi kan ba sut ra kupia kumi lâka yan. Ai waihla nani bui mapara sip unsabras kan, Dawan mita baha nani ra pura luaia yan bamna.

Jasua 8:24

Witin nani twi ra Ai uplika nani sut sord ni ikan ba ningkara, kli tawan ra wan bara upla wala nani kau raya kan ba sin sut ikan.

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?

Wihta Nani 1:24

Bara tawan tânka biki kakaira nani ba kaikan, waitna kum tawanka ba wina taki aula kan, bara witin ra wi banhwan: “Man yabal ba wan mairikma kaka, yang nani nahki tawan ra dimaia sna ba, man ra yang nani yamni mai munamna.”

Wihta Nani 1:4

bara baku Juda uplika nani ba wan bara Kenan uplika nani bara ferezeo nani tasbaya ba kutbi alkan, uplika nani ba Dawan mita witin nani mihta ra mangkan kan. Bara baku, Bézec ra baha nani 10,000 pura luan, baha tilara Adonisédec sin bâra kan.

Wihta Nani 2:2

bamna man nani naha uplika nani naha tasbaya ra iwi ba ra witin nani ai lâka ba wal kupia lâka daukma apia, sakuna ai altarka nani ba slingbi tikma.’ Sakuna man nani bui yang bîli walras, ¡bara nanara kaiks dîa daukram ba!