Kli Smalkanka 6:1 - DAWAN BÎLA AISKA

¹ “Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

Kli Smalkanka 6:1 ပူးပေါင်းရင်းမြစ်များ

Impakan Sturka 21:1

“Naha lâka nani sika witin nani ra yama:

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Isikiel 20:19

Wîri: Yang sika man nani Dawan Gâdkam. Lâika bîla ba kat, ulbanka ba kat sin daukbia,

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Libait Lâka 27:34

Naha lâka nani na sika Dawan mita Moses ra yan ba Israel luhpia nani ra smalkaia lâka, Sainai ilka ra.

Kulki Kaikanka 36:13

Naha lâka sika Dawan bui Israel luhpia nani ra smalki yan ba, Moab twiya ra, Jordan lamara, Jeriko mawan tani ra.

Kli Smalkanka 12:1

“Naha lâka nani sika man nani rayakam aiska ra trai kaiki kaia sma ba Dawan, damikam nani Gâdka mita tasba maikaia ba brima ba ra.

Kli Smalkanka 3:18

“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia.

Kli Smalkanka 33:3

Dawan lika ai uplika nani ra latwan kaikisa, sunu takan nani ba main kaikisa; witin nani sin ai mina ra bawisa bara ai adarka nani sin brisa.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:14

Yang ra ai win lâ nani ba smalkaia, bara ban kasak ba kat dauki kaia tasba ra.

Kli Smalkanka 4:45

bara ai lâka bîla nani kan smalkan ba, Idsip wina takan piua ra,

Kli Smalkanka 4:5

Yang lâ nani bara lâ daukaia ba mai smalkri Dawan Gâdki wina aikan ba. Ani kuntrika ra dimma ba, bahara smalki kaia.

Kli Smalkanka 5:31

sakuna man lika yang wal nâra takasks, kan lâ nani bara diara daukaia lâka nani ba sut mai smalkaia sna, baha kuntrika ra dimi dawanka takma ba ra lâka nani ba dauki kama.’

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.