Kli Smalkanka 4:23 - DAWAN BÎLA AISKA

²³ Sakuna aman kaiks, Dawan Gâd bui man nani wal ai lâka aisi daukan yaba âmya tikpara. Aidul lilka kumi sin daukpara, Dawan Gâd mita waihlam mai kulkan ba,

Kli Smalkanka 4:23 ပူးပေါင်းရင်းမြစ်များ

2 King Nani 17:38

Âmya tikpara man nani wal lâ aisi daukri ba dukiara, ba purkara sin upla wala gâdka bahki nani ra sin si bripara.

1 Kronikas 16:15

Kiamka tausin nani lui wabia kra, dîa witin aisin ba ai âuya tikbia apia,

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Isikiel 16:59

‘Yang Dawan sna ba, naku wisna: Maikaia ba maikamna, kan man pramiskam kat daukras kapram, bara wal lâ daukan alki daukras kapram.

Isikiel 8:10

Dimri, bara kaikri bara kaiks piuta lilka, bara yamni kaikaia apia daiwra talika lilka; bara Israel watla ra aidulka nani sut ba lilkika daukan kata kutban aiska ra.

Malaquía 4:4

“Horeb ilka ra duki dadaukra Moses ra baha lâka nani yabri ba kupiam krauki banhs. ¡Yabri kan Israel luhpia nani sut, yang lâika nani wali daukaia kau ba man nani kupiam krauki bas!

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Matiu 24:4

Bara Jisas bila witin nani ra: —Aman kaiks, upla kumi sin yarka kunin mai munbiara.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Kli Smalkanka 16:22

Idan nani walpa nani ra ai gâdka nani lilka dauki bahara ai pura suni ba, man nani bripara, kan Dawan baha ba pain kaikras.

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 27:9

Moses ra prîs Libait nani yula kahbi kan ningkara, Israel luhpia nani ra win: “Israel luhpia nani, sâp taki wals. Naiwa na man nani ra Dawan Gâdkam uplika mai kulkan sa.

Kli Smalkanka 29:25

Bara pana wibia: ‘Dawan Gâd bui man nani damikam nani wal Idsip wina sakan piua ra lâ daukan kan lâka ba, witin nani lulkan ba mita.

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Kli Smalkanka 4:25

“Man nani luhpiam bara mulam nani brima piua ra, bara naha kuntrika ra almuk kama ba ra, lilka bahki nani paski dauki baha ra ai pura sunbia kaka baku saura dauki, Dawan Gâdkam kupia sauhki kama.

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 5:2

“Dawan wan Gâdka, lâ kum daukan Horeb ilka ra yawan aikuki.

Kli Smalkanka 6:12

Baku kabia kra sin Dawan ra âmya tikpara, Idsip ra alba kapram wina mai sakan ba.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.

Jasua 23:11

Bamna man nani pali aman damra wals, bara Dawan Gâdkam ra latwan kaiks.

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”