Kli Smalkanka 4:13 - DAWAN BÎLA AISKA

¹³ Dawan wal aisi daukan lâka ba mamrikan, baha sika lâ nani matawalsip ulban kata ba walpa ulbanka wâl ra, bara aisi wiaia dîa win ba daukaia.

Kli Smalkanka 4:13 ပူးပေါင်းရင်းမြစ်များ

1 King Nani 8:9

Lâ auhbaia watla ba bilara diara lika âpu kan, ban sakuna Horeb ilka ra Moses bui walpa tanhta ulban wâl mangkan ba baman bâra kan; bahara Israel luhpia nani wal Dawan lâ daukan ba, Idsip tasbaya wina takan ba piua ra.

Lawana Nani 119:4

Man adarkam wankisma, lâmka nani smalki wankram ba, yang nani baha nani ban pali bri dauki kaia.

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Impakan Sturka 24:12

Dawan mita Moses ra win: —Il ra uli bal, yang nâra sna na kat, bara bîli kaiki bas, yang bui man ra walpa tanhta wâl maikaisna, bahara lâ nani ba ulbi maikamna, Israel luhpia nani ra smalkaia dukiara.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Impakan Sturka 34:1

Bara Dawan mita Moses ra win: —Man mita walpa wâl klaks, pas walpaya kata ba yahpika baku. Bara pas walpa tanhta nani ra ulbri kan man mita kriki tikram bîla nani kata ba, kli ulbamna.

Impakan Sturka 34:28

Bara Moses lika Dawan wal bahara yu yawanaiska wâl bara tihmia yawanaiska wâl takaskan, witin plun piras lî sin diras kan. Bahara lâ daukan bîla nani ba walpa tanhta nani ra ulbi kan, lâ nani matawalsip ba.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

2 Korint 3:7

Bamna Moses lâka na lika walpa tanhta ra ulbi mangkan kan, bara Moses ai mawan ba ingni pali kan balan ba ra, Israel luhpia nani mita sip witin mawan kaikras kan, ai mawan ba ingni kan bamna. Sakuna baha ingnika ba tawa tawa tiwi kan. Kuna baha lâka mita upla pruaia pâtka mihta ra mangki ba lika, pranakira pali balan kaka,

Kli Smalkanka 4:12

Baku kan ba ra, Dawan baha pauta lilapas wina aisin. Man nani lika witin aisi ba walram, kuna aisin walram ba tilara lilka kum kaikras kapram.

Kli Smalkanka 4:14

Yang ra ai win lâ nani ba smalkaia, bara ban kasak ba kat dauki kaia tasba ra.

Kli Smalkanka 5:22

“Naha bîla nani sika Dawan ai bîla baikra tara ni aisin pauta klauhan lilapas wina, mukus tila wina, upla sut il playa munhtara banhwi kan piua ra. Ningkara baha wina kau sturi aisaras, bara naha bîla nani walpa tanta wâl ra ulbi aikan.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.