Kli Smalkanka 3:2 - DAWAN BÎLA AISKA

² “Bamna Dawan bui ai win: ‘Witin sîa yapara, kan witin ai suliarka bara ai tasbaya aiska man nani mihtam ra mangkri sa, Sihón ra, amorreo nani kingka Hesbón ra iwi kan, witin nani ra dîa munram baku munma.’

Kli Smalkanka 3:2 ပူးပေါင်းရင်းမြစ်များ

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 43:5

Si bripara, kan yang lika man wal sna; man kiamkam ba lalma wina bri balamni, bara muna wina asla mai kukamna.

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Kulki Kaikanka 21:34

Bara Dawan bui Moses ra win: “Witin ba mapara si bripara, kan yang bui witin ba man nani mihtam ra mangkamna, war uplika nani ba bara ai tasbaya ba sin. Bara man nani, Sihón, amorreo nani kingka Hesbón ra iwi kan ra dîa munram ba baku, witin ra daukma.”

Apastil Nani Sturka 18:9

Bamna Dawan mita Pal ra tihmia ra diara aihka kaikan bâk naku win: “Man si bripara; kau aisi smalki bas, bîlam prakpara.

Apastil Nani Sturka 27:24

Bara insal ba naku ai win: ‘Si bripara, Pal, kan man Rom kingka tara mawanra buaia kama, bara man tamka mita Dawan naha uplika nani aikuki duri ra sma na, sut swaki sâkbia prura wina.’

Kli Smalkanka 20:3

bara wibia: ‘Wals, Israel luhpia nani, naiwa man nani waihlam mapara aiklabaisma bamna, swapni taki sîa yapara, tatatwi sirang sin iwpara,

Kli Smalkanka 3:1

“Baha ningkara, yang nani yabal wala alkri bara Basán ra wapri. Sakuna Og, baha kuntrika kingka ba, ai suliarka aikuki Edrei kat balan yawan wal aiklabaia.

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Kli Smalkanka 3:3

“Baku Dawan wan Gâd ba daukan, king Og ai suliarka aikuki wan mihta ra kauhaia ba, bara witin nani ba sut ikri, upla raya kumi sin swiras.

Jasua 10:8

bara Dawan Jasua ra win: “Witin nani ra si bripara, kan yang bui witin nani ba mihtam ra mangkamni, bara witin nani kumi sin mampara buaia karnika âpu kabia.”

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.