Kli Smalkanka 26:6 - DAWAN BÎLA AISKA

⁶ Sakuna Idsip uplika nani mita saura wan muni, taibi sin wan munan, bara alba lâka ra sin pât ailal wankan wahwan.

Kli Smalkanka 26:6 ပူးပေါင်းရင်းမြစ်များ

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 1:16

—Ani piua ra Hibru mairka nani tuktan sakisa taim, man nani warkka daukisma piua ra, tuktan ba aisubia ba ra kaiks waitna sapa. Waitna kaka, iks, sakuna mairin sa kaka, swis raya kabia.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Impakan Sturka 1:8

Sakuna kau naika piua ra Idsip tasbaya ra king raya kum aimakan. Witin Josep wal kakaira apia, ai tânka sin briras aihwa. Nanara witin ai uplika nani ra naku wisa:

Impakan Sturka 5:19

Israel tâ uplika nani ba kaikan witin nani ra karna taibisa naha bîla win ba mita, sakuna blok nani ba lika an paski kaia yaban ba kulkanka ba kat paski kaia sa.

Impakan Sturka 5:23

Yang nahara bal man ninam brih king fero mawanra aisari ba piua wina, witin bui man uplikam nani ra kau saura munisa, sakuna man lika diara kumi sin daukras witin nani ba swaki sakaia.

Impakan Sturka 5:9

Uplika nani ba kau wark karna pali daukaia yas; wark takan pali man kabia, ris briaia taim âpu kabia, baha mita kunin aisi nani bara witin nani ai lukanka mangkbia apia.

Kulki Kaikanka 20:15

Wan almukka nani Idsip ra wih mani ailal bâra iwan; sakuna Idsip uplika nani yang nani ra saura ai munan, wan almukka nani ra sin.

Kli Smalkanka 26:7

Bamna yang nani damiki Dawanka Gâdka ra makabri, hilp wan munbia dukiara; bara yawan makabanka ba witin walan, wan umpirka ba sin kaikan, nahki wark karna nani wan dingki kan, taiban lâka ra sin yang nani iwi kapri ba;

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.